دەنساۋلىق ساقتاۋ ءمينيسترى الەكسەي تسوي 2021 جىلعى 30 قىركۇيەكتەگى بۇيرىعىنا تولىقتىرۋلار ەنگىزدى. سوعان سايكەس وفلاين فورماتتا جۇمىس ىستەيتىندەرگە ەكپە الۋ مىندەتتەلەدى. بۇيرىق 2021 جىلعى 17 قازاننان باستاپ قولدانىسقا ەنگىزىلەدى.
«رەسپيراتورلىق ۆيرۋستىق ينفەكتسيالار, تۇماۋ جانە ولاردىڭ اسقىنۋلارى (پنەۆمونيا), مەنينگوكوكك ينفەكتسياسى, COVID-19 كوروناۆيرۋستىق ينفەكتسياسى, جەلشەشەك جانە سكارلاتينا كەزىندە سانيتارلىق-ەپيدەمياعا قارسى, سانيتارلىق-پروفيلاكتيكالىق ءىس-شارالاردى ۇيىمداستىرۋعا جانە جۇرگىزۋگە قويىلاتىن سانيتارلىق-ەپيدەميولوگيالىق تالاپتارعا» بۇيرىعىنىڭ 49-تارماعى مىناداي تارماقشامەن تولىقتىرىلدى: «قر باس مەملەكەتتىك سانيتارلىق دارىگەرى, ءتيىستى اكىمشىلىك-اۋماقتىق بىرلىكتە باس مەملەكەتتىك سانيتارلىق دارىگەرلەر بەلگىلەگەن ۇيىمداردا/ وبەكتىلەردە COVID-19-عا قارسى ۆاكتسينا العان ۇيىمداردىڭ قىزمەتكەرلەرى ءۇشىن كۇندىزگى رەجيمدە جۇمىسقا جىبەرۋ». ەندى وفلاين فورماتتا جۇمىس ىستەگىسى كەلەتىن ادامعا ەكپە الۋى مىندەتتەلەدى. سونىمەن قاتار اكىمشىلىك-اۋماقتىق بىرلىكتەگى باس مەملەكەتتىك سانيتارلىق دارىگەرلەر بەلگىلەگەن ۇيىمدار پتر-تەستتى 7 كۇندە 1 رەت تاپسىرۋعا جانە سوڭعى ءۇش اي ىشىندە COVID-19 جۇقتىرعان تۇراقتى مەديتسينالىق قارسى كورسەتكىشتەرى بار ادامنان مەديتسينالىق انىقتاما تالاپ ەتىلۋى مىندەتتى.
