قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ قازاقستاندىقتاردى ورازا ايت مەرەكەسىمەن قۇتتىقتادى, دەپ حابارلايدى اقوردانىڭ ءباسپاسوز قىزمەتى.
قۇرمەتتى وتانداستار!
بارشاڭىزدى مۇسىلمانداردىڭ قاسيەتتى ورازا ايت مەرەكەسىمەن قۇتتىقتايمىن!
رامازان – ادامزات بالاسىن رۋحاني تازارۋ ارقىلى مەيىرىمدىلىك پەن سابىرلىلىققا جەتەلەيتىن ۇلىق تا قاسيەتتى ايلاردىڭ ءبىرى.
ورازا ايتتىڭ شۋاقتى كۇندەرىندە مۇسىلماندار ءبىر-بىرىنە ايتتاپ, جىلى لەبىزدەرى مەن ىزگى تىلەكتەرىن بىلدىرەدى.
مۇقتاج جاندارعا قول ۇشىن سوزىپ, قۋانىشقا كەنەلتۋ دە – قاسيەتتى مەرەكەنىڭ جارقىن كورىنىستەرىنىڭ ءبىرى.
ورازا ايت – ءبىر شاڭىراقتىڭ استىندا اۋىزبىرشىلىك پەن كەلىسىمدە ءومىر ءسۇرىپ جاتقان بارشا قازاقستاندىقتاردى بىرىكتىرە تۇسەتىن ىنتىماق مەيرامى.
وسى مىزعىماس قۇندىلىقتارىمىزدىڭ ارقاسىندا ءبىز تاۋەلسىزدىك العاننان بەرگى 25 جىلدا قارقىندى تۇردە دامىپ كەلەمىز.
قاستەرلى قازاقستان جەرىندە وتەتىن الەمدىك جانە ءداستۇرلى دىندەر ليدەرلەرىنىڭ سەزى وركەنيەتتەر ۇندەستىگىنە سۇبەلى ۇلەس بولىپ قوسىلۋدا.
ورازا ايت مەرەكەسىندەگى يگى ىستەر يسلامنىڭ قايىرىمدىلىق پەن مەيىرىمدىلىكتىڭ, ءوزارا كومەك پەن جاناشىرلىقتىڭ ءدىنى ەكەنىن ايشىقتاي تۇسەدى.
قاسيەتتى مەيرام كۇندەرى ءاربىر شاڭىراققا شاتتىق پەن دەنساۋلىق, يگىلىك پەن باق-بەرەكە تىلەيمىن.
ەلىمىزدە بىرلىك پەن كەلىسىم سالتانات قۇرا بەرسىن!
ورازا ايت مەرەكەسى قۇتتى بولسىن!
