ەلوردادا رەسەيدىڭ قازاقستانداعى مادەنيەت كۇندەرى ءوتىپ جاتىر. وسىعان وراي, مەملەكەتتىك سيمفونيالىق وركەسترىمەن بىرگە رەسەيدىڭ جەتەكشى ورىنداۋشىلارىنىڭ قاتىسۋىمەن گالا-كونتسەرت ۇيىمداستىرىلدى.
وندا رومانستار, ورىس كومپوزيتورلارىنىڭ وپەرالارىنان اريالار جانە زاماناۋي اۆتورلاردىڭ شىعارمالارى ورىندالدى. سونداي-اق مادەنيەت كۇندەرى اياسىندا 12-17 قازان ارالىعىندا «ۆولوگدا شىلتەرى» كورمەسى وتەدى.
– 2019 جىلى رەسەي فەدەراتسياسىندا قازاقستاننىڭ مادەني كۇندەرى وتكىزىلگەن بولاتىن. اراعا ەكى جىل سالىپ, كارانتين شارالارىنىڭ جەڭىلدەۋىنە بايلانىستى ەندى رەسەي فەدەراتسياسىن زور قۋانىشپەن قارسى الىپ جاتىرمىز. مۇنى ۇلكەن مادەني ءىس-شارا دەپ اتاساق ارتىق بولماس. بۇل – قازاقستان مەن رەسەي فەدەراتسياسىنىڭ اراسىنداعى مادەني ىنتىماقتاستىقتى نىعايتاتىن ءىرى جوبا, – دەدى مادەنيەت جانە سپورت مينيسترلىگى باق-پەن بايلانىس دەپارتامەنتىنىڭ وكىلى ەلامان تولەپبەرگەن.
