«Elorda Zhastary» تۇرعىن ءۇي باعدارلاماسى – ەلوردا اكىمدىگى مەن وتباسى بانكىنىڭ بىرلەسكەن جوباسى. وتىنىمدەردى قابىلداۋ 14 قازاندا باستالىپ, باعدارلاما پورتالىندا جۇزەگە اسىرىلادى. باعدارلاما بويىنشا قارىز الۋشىلارعا نەسيە بەرۋ ءۇشىن 3,6 ملرد تەڭگە بولىنەدى. بۇل قاراجات باعدارلامانىڭ 200-گە جۋىق قاتىسۋشىسىن نەسيەلەندىرۋگە كومەكتەسەدى.
جۋىردا نۇر-سۇلتان قالاسىنىڭ اكىمى التاي كولگىنوۆ پەن وتباسى بانك باسقارما ءتورايىمى ءلاززات يبراگيموۆا ىنتىماقتاستىق تۋرالى ءتيىستى مەموراندۋمعا قول قويدى.
– «Elorda Zhastary» – تابىسى جوعارى ەمەس جاستارعا تۇرعىن ءۇي ماسەلەسىن شەشۋگە ارنالعان. ءبىز ولاردىڭ وتباسى بانكىنىڭ ەسەپشوتتارىندا قۇلشىنىسپەن اقشا جيناپ جاتقاندارىن جانە دە پاتەر الۋعا دايىن ەكەنىن بىلەمىز, بىراق ولاردىڭ قاراجاتى مەن مۇمكىندىكتەرى جەتكىلىكسىز. ال جاڭا تۇرعىن ءۇي باعدارلاماسى ىسكە قوسىلسا, ولار بيىل جاپپاي قونىس تويىن تويلاۋعا مۇمكىندىك الادى. ونىڭ دالەلى رەتىندە – الماتى قالاسىن كەلتىرۋگە بولادى, اتالمىش قالادا وسىعان ۇقساس باعدارلاما ۇلكەن سۇرانىسقا يە. ونىڭ كومەگىمەن قازىردىڭ وزىندە تۇرعىن ءۇي ماسەلەسىن 2000 الماتىلىق شەشتى, – دەپ ءتۇسىندىردى وتباسى بانك باسقارما ءتورايىمى ءلاززات يبراگيموۆا.
باعدارلاماعا قاتىسۋ ءۇشىن qatysu.zhilfond.kz سايتىندا بيىلعى جىلدىڭ 14 قازانىنان باستاپ ءوتىنىش بەرۋگە بولادى. اۆتوريزاتسيادان ءوتۋ ءۇشىن ەلەكتروندىق تسيفرلىق قولتاڭبا قاجەت, ونى ونلاين رەجيمىندە نەمەسە جاقىن ورنالاسقان حالىققا قىزمەت كورسەتۋ ورتالىعىندا الۋعا بولادى.
وتىنىمدەردى قابىلداۋ مەرزىمى اياقتالعان سوڭ قاتىسۋشىلاردى ىرىكتەۋ باستالادى. ۇمىتكەرلەر پۋلى بالدىق جۇيە بويىنشا قالىپتاسادى. ول ەڭبەك ءوتىلىن جانە ءوتىنىش بەرۋشىنىڭ (ەرلى-زايىپتىلاردىڭ بىرەۋىنىڭ نەمەسە ولاردىڭ بالالارىنىڭ) 1,2,3 مۇگەدەكتىك توبىنا جاتاتىن-جاتپايتىنىن ەسكەرەدى.
پۋل قۇرىلعاننان كەيىن ونىڭ قاتىسۋشىلارى وتباسى بانكىنەن نەسيە الۋعا جولداما الادى. بانك باعدارلاما قاتىسۋشىسىنىڭ تولەم قابىلەتتىلىگىن تەكسەرىپ, جىلدىق 5 پايىزبەن جەڭىلدەتىلگەن نەسيە بەرەدى. العاشقى جارنا – 10%. ەلوردالىق جاس تۇرعىندارعا بەرىلەتىن نەسيەنىڭ ەڭ جوعارى سوماسى – 18 ملن تەڭگە, مەرزىمى – 25 جىلعا دەيىن. ونىڭ كومەگىمەن العاشقى نەمەسە قايتالاما نارىقتان, سونداي-اق «قازاقستان تۇرعىن ءۇي كومپانياسى» اق-نىڭ كەپىلدەمەسىمەن ۇلەستىك قاتىسۋ شارتى بويىنشا سالىنىپ جاتقان تۇرعىن ءۇي ساتىپ الۋعا بولادى.
«Elorda Zhastary» قاتىسۋشىلارىنا قويىلاتىن تالاپتار:
ءوتىنىش بەرگەن ۋاقىتتا قاتىسۋشىنىڭ جاسى 35-تەن (قوسا العاندا) اسپاۋى ءتيىس.
قاتىسۋشىنىڭ جانە ونىمەن بىرگە تۇراتىن وتباسى مۇشەلەرىنىڭ سوڭعى 1 جىل ىشىندە نۇر-سۇلتان قالاسىندا ۇزدىكسىز تۇراقتى تىركەۋى بولۋى قاجەت;
قاتىسۋشىنىڭ وتباسى بانكىندە ساتىپ الاتىن باسپانا قۇنىنىڭ 10% مولشەرىندەگى العاشقى جارناسىن بار دەپوزيتى بولۋى ءتيىس (سالىمنىڭ بار ەكەندىگى تۋرالى انىقتاما نەمەسە شوت بويىنشا ءۇزىندى كوشىرمە).
سوڭعى 5 جىل ىشىندە باعدارلاماعا قاتىسۋشى مەن ونىڭ وتباسى مۇشەلەرىنىڭ قر اۋماعىندا ساتىپ الۋ قۇقىعىمەن جالدامالى تۇرعىن ءۇيى نەمەسە مەنشىك قۇقىعىندا تۇرعىن ءۇيى بولماۋى قاجەت.
قاتىسۋشىنىڭ ءوتىنىش بەرگەن كەزدە كەمىندە سوڭعى ءبىر جىل ىشىندە نۇر-سۇلتان قالاسىندا تاڭدالعان سالاسىندا رەسمي جۇمىس تاجىريبەسى بولۋى ءتيىس. ول زەينەتاقى شوتىنىڭ ءۇزىندى كوشىرمەسىمەن راستالادى.
وتباسىنىڭ 1 مۇشەسىنە شاققانداعى سوڭعى 6 ايداعى تابىس 6 ەڭ تومەنگى كۇنكورىس دەڭگەيىنەن تەڭگەدەن اسپاۋى ءتيىس (زەينەتاقى جارنالارى, جەكە تابىس سالىعى جانە باسقا دا مىندەتتى جارنالاردى قوسپاعاندا);
باعدارلاماعا ەرلى-زايىپتىلاردىڭ بىرەۋى عانا قاتىسا الادى.
