نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى «مەملەكەتتىك اتاۋلى الەۋمەتتىك كومەك تاعايىنداۋ» مەملەكەتتىك قىزمەتىن كورسەتۋ بويىنشا جۇمىس جۇرگىزۋدە. جان باسىنا شاققانداعى ورتاشا تابىسى كەدەيلىك شەگىنەن اسپايتىن ازاماتتار, قانداستار, بوسقىندار, شەتەلدىكتەر مەن قازاقستان رەسپۋبليكاسىندا تۇراقتى قونىستانعان ازاماتتىعى جوق ادامداردىڭ اتاۋلى الەۋمەتتىك كومەك الۋعا قۇقىعى بار.
ااك كورسەتۋ كريتەريى – جان باسىنا شاققانداعى ورتاشا ايلىق تابىستىڭ ەڭ تومەنگى كۇنكورىس دەڭگەيىنىڭ 70%-ىنان تومەن بولۋى (2021 جىلعى 4-توقسانعا نۇر-سۇلتان قالاسى بويىنشا كەدەيلىك شەگى 30 855 تەڭگەنى قۇرايدى). وتباسىنىڭ ەرەسەك مۇشەلەرى مەن بالالارعا ااك تولەۋ سوماسى كەدەيلىك شەگى مەن جان باسىنا شاققانداعى ورتاشا تابىس اراسىنداعى ايىرمانى قۇرايدى.
ەڭبەك جانە حالىقتى الەۋمەتتىك قورعاۋ ءمينيسترىنىڭ 2009 جىلعى 28 شىلدەدەگى № 237-ءو بۇيرىعىمەن بەكىتىلگەن ااك الۋعا ۇمىتكەر ادامدارعا (وتباسىلارعا) جيىنتىق تابىستى ەسەپتەۋ قاعيدالارىنا سايكەس ااك ەسەپتەۋ كەزىندە ەڭبەككە اقى تولەۋ, الەۋمەتتىك تولەمدەر, بالالارعا اليمەنتتەر تۇرىندە الىنعان تابىستار جانە ااك ءوتىنىش بەرگەن ايدىڭ الدىنداعى توقسانداعى باسقا دا تابىستار ەسكەرىلەدى. سونىمەن قاتار, وتباسىنىڭ ەڭبەككە قابىلەتتى مۇشەلەرىنىڭ جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسۋى شارتتى اقشالاي كومەك تولەۋ ءۇشىن مىندەتتى شارت بولىپ تابىلادى.
ااك ۋچاسكەلىك كوميسسيانىڭ تەكسەرۋ قورىتىندىسى جانە وتباسىنىڭ ماتەريالدىق-تۇرمىستىق جاعدايلارى اكتىسىنىڭ قورىتىندىسى نەگىزىندە تاعايىندالادى.
ااك تاعايىنداۋ ماسەلەلەرى بويىنشا الدىن الا ەسەپتەۋ جۇرگىزۋ جانە تولىق كەڭەس الۋ ءۇشىن كەلەسى مەكەنجايعا حابارلاسۋ قاجەت:
نۇر-سۇلتان قالاسى, بەيبىتشىلىك كوشەسى, 14, «جانۇيا» وتباسى ينستيتۋتىن قولداۋ ورتالىعى, وتىنىشتەردى ەلەكتروندىق ۇكىمەت پورتالى www.egov.kz ارقىلى دا بەرۋگە بولادى. بايلانىس تەلەفونى: +7(7172) 27-86-49
