«ۆولونتەرلىك باستامالاردى قولداۋ» جوباسى اياسىندا ەلىمىزدە سانيتارلىق-ەپيدەميولوگيالىق جاعداي̆دىڭ تۇراقتالۋىنا ۆولونتەرلەر دە ءوز ۇلەسىن قوسۋدا. استانانىڭ ۆولونتەر-مەديكتەرى حالىق كوپ شوعىرلانعان جەرلەردە 1500 مەديتسينالىق ماسكا تاراتىپ, تۇسىندىرمە جۇمىستارىن جۇرگىزدى.
شاراعا 20-عا جۋىق ەرىكتى, پوليتسيا دەپارتامەنتىنىڭ قىزمەتكەرلەرى, ۆولونتەرلىك ۇيىمدار وكىلدەرى, استانا مەديتسينا ۋنيۆەرسيتەتىنىڭ بەلسەندى ستۋدەنتتەرى قاتىستى. بۇل جولى ولار قالامىزدىڭ ورتالىق ساياباعى مەن «استانالىق» بازار ماڭىنداعى حالىق كوپ شوعىرلانعان جەرلەردە بولدى.
ايتا كەتەيىك, بۇگىندە استانا مەديتسينا ۋنيۆەرسيتەتىنىڭ ۆولونتەرلەرى ارنايى مەديتسينالىق وقۋ كۋرستارىنان وتۋدە. الداعى ۋاقىتتا ولار دارىگەرلەرگە ءوز كومەكتەرىن كورسەتىپ, ۆولونتەرلىك قىزمەت جاسايتىن بولادى.
«ەلوردادا 53 ۆولونتەرلىك ۇيىم جۇمىس ىستەيدى. سولاردىڭ ءبىرى – «قازاقستاننىڭ مەديتسينا جاستارى» ۇيىمى. ولار جەكە قورعانىش قۇرالدارىن تاراتادى, تاۋەكەل توبىنداعى ازاماتتاردى ارالايتىن جەرگىلىكتى دارىگەرلەرگە كومەكتەسەدى. كوروناۆيرۋستىڭ العاشقى تولقىنى كەزىندە ءبىز ولارمەن قاتار جۇمىس ىستەپ, مەديتسينا قىزمەتكەرلەرىنىڭ جۇمىسىن كوردىك. اتاپ ايتقاندا, ءدارى-دارمەكتەر جەتكىزدىك, جەدەل جاردەم قىزمەتىنە كومەكتەستىك. سونىمەن قاتار 47 مەديتسينا ەرىكتىلەرى Ramada Plaza قوناق ۇيىندەگى اۋرۋحانادا جۇمىس ىستەدى» دەيدى نۇر-سۇلتان قالالىق جاستار ساياساتى ماسەلەلەرى باسقارماسى باسشىسى داۋلەت كارىبەك.
