قازاقستاندىق رەجيسسەر ەرلان نۇرمۇحامبەتوۆ پەن جاپوندىق رەجيسسەر ليزا تاكەبانىڭ «بارىمتاشىلار. ۋاقىت جولدارى» ءفيلمى فرانتسيادا پروكاتقا شىعۋعا دايىندالىپ جاتىر. ءفيلمنىڭ پروديۋسەرى يۋليا كيمنىڭ ايتۋىنشا, فرانتسۋز كورەرمەندەرى كينوتۋىندىنى ۇلكەن ەكراننان الداعى 16 جەلتوقساننان باستاپ كورەدى.
– پاندەميامەن بايلانىستى ۇلكەن قيىندىقتارعا قاراماستان, كينوكارتينا بۋسان, توكيو, گەتەبورگ, شانحاي جانە حەلسينكي كينوفەستيۆالدەرىنە قاتىسىپ ۇلگەردى. جاقىن ارادا Cottobus نەمىس كينوفەستيۆالى مەن تورونتوداعى ازيا كينوسىنىڭ حكف بايقاۋىندا كورسەتىلەتىن بولادى, – دەدى پروديۋسەر.
تۋىندىدا تىنىش ءومىرىنىڭ شىرقىن بۇزىپ, بارىمتاشىلار وتاعاسىن اياۋسىز ولتىرگەن وتباسى تۋرالى باياندالادى. مارقۇمنىڭ 12 جاسار بالاسى ولجاس, بارىمتاشىلاردىڭ قولىنان مەرت بولعان اكەسىنىڭ ولىمىنە قايعىرىپ, وتباسىلارىنا تۇسكەن اۋىرتپالىقتى قارىنداستارىمەن بىرگە تارتادى. قورعانسىز قالعان ولجاستىڭ وتباسىنا عايىپتان پايدا بولعان بوگدە بىرەۋ قول ۇشىن سوزادى.
كينودا باستى رولدەردى كانن كينوفەستيۆالىندە ۇزدىك اكتريسا اتانعان سامال ەسلياموۆا, تانىمال اكتەر دۋلىعا اقمولدا جانە جاپوندىق اكتەر ميراي مورياما سومدايدى. اكەسىن جوعالتقان بالانىڭ ءرولىن ءمادي مينايداروۆ ەسىمدى جاس اكتەر وينايدى.
ءفيلمنىڭ وندىرىسىنە «قازاقفيلم» جانە جاپوندىق Tokyo New Cinema كومپانياسى اتسالىستى.
