نۇر-سۇلتان قالاسىندا تاعى ءبىر ۆاكتسيناتسيا پۋنكتى اشىلدى. ازاماتتاردى ىندەتكە قارسى ۆاكتسيناتسيالاۋعا ارنالعان ايماق گەتە كوشەسىندەگى ەسكى تەمىرجول ۆوكزالىندا ۇيىمداستىرىلدى.
ۆاكتسيناتسيا پۋنكتى عيماراتتىڭ كىرەبەرىسىنىڭ جانىندا 1-قاباتتا ورنالاسقان. ەگۋ پۋنكتىندە بارلىق باسقا ۆاكتسيناتسيا پۋنكتتەرىندەگىدەي, ازاماتتاردىڭ تاڭداۋىنا ۆاكتسينانىڭ ءۇش ءتۇرى ۇسىنىلادى. ولار – سپۋتنيك, QazVac, Sinofarm. جالپى قالا بويىنشا ساۋدا ويىن-ساۋىق ورتالىقتارى مەن ساۋدا ۇيلەرى جانىندا 5 ۆاكتسيناتسيا پۋنكتى ورنالاسقان: «كەرۋەن» ساۋدا ويىن-ساۋىق ورتالىعى, «حان شاتىر», «ازيا پارك», «ابۋ دابي پلازا» جانە «ەۆرازيا» ساۋدا ءۇيى. ۆاكتسيناتسيا پۋنكتتەرى مەديتسينالىق مەكەمەلەردە دە بار. بارلىعى 84 ۆاكتسيناتسيا پۋنكتى, سونداي-اق ەڭبەك ۇجىمدارىن ۆاكتسيناتسيالاۋ ءۇشىن كوشپەلى بريگادالار جۇمىسىن جالعاستىرۋدا.
