قالاداعى iKOMEK109 بىرىڭعاي بايلانىس ورتالىعىنا جىل باسىنان بەرى 2 ميلليوننان استام ءوتىنىش كەلىپ تۇسكەن. 1 ميلليون 760 مىڭنان استام ءوتىنىش ءبىرىنشى قوڭىراۋدان-اق وڭدەلىپ, تۇرعىنداردىڭ تالاپ-تىلەگى قاناعاتتاندىرىلدى.
ورتالىق ىسكە قوسىلعاننان بەرگى ارالىقتا 6 ميلليوننان استام ءوتىنىش قابىلدانعان ەكەن. iKOMEK109 قىزمەتى قالا تۇرعىندارىنىڭ ارىز-شاعىمدارى مەن تالاپ-تىلەگىن قامتاماسىز ەتۋدە قالاداعى 1 مىڭنان استام ۇيىممەن بايلانىستى جولعا قويعان.
iKOMEK109 بايلانىس ورتالىعى حالىقپەن ءوزارا ءىس-قيمىلدىڭ بىرىڭعاي نۇكتەسىنە اينالدى. 109-دى تەرگەن تۇرعىندار سۋ تارتۋ, جىلىتۋ, قوعامدىق كولىك, ەلەكترمەن جانە گازبەن جابدىقتاۋ, دەنساۋلىق ساقتاۋ, اباتتاندىرۋ سياقتى 2500 ماسەلە بويىنشا ءوتىنىش بىلدىرە الادى. بۇگىندە تۇرعىنداردان تۇسكەن ماسەلەلەردىڭ 86,6 پايىزى ءبىرىنشى قوڭىراۋدان-اق شەشىمىن تاۋىپ جاتىر. تۇرعىندار وزدەرىن مازالاعان سۇراقتىڭ جاۋابىن الۋدا, شەشىمىن كۇتەردە 109-دان بولەك Telegram-بوتتا, قالا اكىمدىگىنىڭ سايتىندا, iKOMEK109 جانە Smart Astana ءموبيلدى قوسىمشالارىندا دا ءوز وتىنىشتەرىن قالدىرا الادى.
جىل باسىنان باستاپ قالاداعى 16 مىڭنان استام بەينەباقىلاۋ كامەراسىندا تاۋلىك بويى باقىلاۋ ارقىلى iKOMEK109 باقىلاۋ ورتالىعى 13 مىڭنان استام قۇقىق بۇزۋشىلىقتى انىقتادى.
