ىندەت ۋشىعىپ كەتپەسىن!
دەنساۋلىق ساقتاۋ مينيسترلىگى رەسپۋبليكا تۇرعىندارىن جاڭا جىل مەرەكەسىندە قاۋىپسىزدىك ەرەجەلەرىن ساقتاۋعا شاقىردى.
«جاڭا جىل قارساڭىندا كوروناۆيرۋس ينفەكتسياسىن جۇقتىرۋدىڭ الدىن الۋعا شاقىرامىن. اتاپ ايتقاندا, حالىق كوپ جينالاتىن ورىندارعا بارماي, ۇجىمدىق ءىس-شارالارعا, كورپوراتيۆتەرگە قاتىسپاعان ءجون. ءۇسىپ قالعاننان ساقتانۋ كەرەك. سونىمەن بىرگە ءوزىڭىزدى جانە تۋىستارىڭىزدى قاۋىپكە ۇشىراتپاس ءۇشىن زامانعا ساي قۇتتىقتاپ, قاشىقتان بايلانىسۋعا مۇمكىندىك بەرەتىن قۇرىلعىلاردى پايدالانعان ءجون بولادى» دەپ مالىمدەدى دەنساۋلىق ساقتاۋ ءمينيسترىنىڭ ءبىرىنشى ورىنباسارى مارات شورانوۆ وكق-دا وتكەن ءباسپاسوز ءماسليحاتىندا.
«قۇرمەتتى قازاقستاندىقتار! جاڭا جىل وتباسىلىق مەرەكە بولعاندىقتان, بۇل كۇندى تۋعان-تۋىستاردىڭ ورتاسىندا قارسى الۋعا شاقىرامىن. پاندەميا ءالى بىتكەن جوق. ءاربىرىمىز قازىرگى جاعدايدا ۇلكەن جاۋاپكەرشىلىكتى سەزىنە ءبىلۋىمىز كەرەك. الداعى مەرەكە ەپيدەميولوگيالىق احۋالدى ۋشىقتىرماۋى ءتيىس» دەدى ۆيتسە-مينيستر.