Nur Otan پارتياسىنان نۇر-سۇلتان قالاسى ءماسليحاتىنا كانديداتتار قارجى اكادەمياسىنىڭ وقىتۋشىلارى جانە ستۋدەنتتەرىمەن كەزدەستى. ونلاين فورماتتا وتكەن جۇزدەسۋدە جاس عالىمدار مەن كاسىپكەرلەردى قولداۋ, الەۋمەتتىڭ الەۋەتىن ارتتىرۋ, مۇعالىمدەر مارتەبەسىن كوتەرۋ, وقۋشىلار قاۋىپسىزدىگى سەكىلدى كوپتەگەن ماسەلەلەر اڭگىمە وزەگىنە اينالدى.
اتاپ ايتقاندا, جاس عالىمدارعا جىل سايىن بولىنەتىن گرانتتار سانىن ءبىر مىڭعا جەتكىزۋ جوسپارلانىپ وتىر. ءبىر جىلدا 500 عالىمدى شەتەلدەردەگى جەتەكشى عىلىمي ورتالىقتارعا تاعىلىمداماعا جىبەرۋ, ماگيسترانتتار مەن دوكتورانتتار ستيپەندياسىن ءبىر جارىم ەسەگە كوتەرۋ دە قامتاماسىز ەتىلمەك.
– Nur Otan پارتياسى ناقتى قول جەتكىزۋگە بولاتىن ماقساتتاردى قويا ءبىلىپ, ولاردى ورىنداتا الادى. بۇل – ءسوزدىڭ ەمەس, ءىستىڭ پارتياسى. پارتيانىڭ باستى ماقساتتارىنىڭ ءبىرى – پەداگوگتاردىڭ مارتەبەسى مەن جالاقىسىن كوتەرۋ, مەكتەپتەردى سالۋ بولعاندىقتان, ارىپتەستەرىم مەن ستۋدەنتتەر – بولاشاق مۇعالىمدەر پارتيامىزدى قولدايتىنىنا سەنىمدىمىن, – دەدى قالالىق ءماسليحات دەپۋتاتى, ل.گۋميلەۆ اتىنداعى ەۋرازيا ۋلتتىق ۋنيۆەرسيتەتىنىڭ رەكتورى ەرلان سىدىقوۆ.
جالپى پارتيا نۇر-سۇلتان قالاسىنداعى وزەكتى ماسەلەلەردىڭ «وندىعىن» انىقتادى. بۇل – قولجەتىمدى باسپانامەن قامتۋ, ۇلەسكەرلەر ماسەلەسى, الەۋمەتتىك سالا, سونىڭ ىشىندە ءبىلىم, دەنساۋلىق ساقتاۋ, كەدەرگىسىز ورتا, شەتكى ايماقتاردى, قوعامدىق كەڭىستىكتەردى, اۋلالاردى دامىتۋ, گازداندىرۋ, جولدار قۇرىلىسى, قوعامدىق كولىك, نوسەر سۋلارى كارىزى, تازارتۋ قۇرىلعىلارى, ەكولوگيا, قوعامدىق قاۋىپسىزدىك جانە شاعىن جانە ورتا كاسىپكەرلىكتى دامىتۋ.
№37 مەكتەپ-ليتسەي ديرەكتورى الماگۇل سەگىزباي پارتيانىڭ ءبىلىم سالاسى مەن جاستارمەن جۇمىس باعىتىنداعى جوسپارلارىمەن تانىستىردى.
– جاقىن بەس جىلدا ەلورداداعى حالىقتىڭ جىلدان-جىلعا ارتۋىنا قاراماستان, ءۇش اۋىسىمدا وقىتاتىن, وقۋشىلار سانى شامادان تىس كوپ مەكتەپتەر پروبلەماسىن جويۋ جوسپارلانىپ وتىر. ول ءۇشىن 60 مىڭ ورىنعا شاقتالعان 50 مەكتەپ سالىنادى. كارانتين ۋاقىتىندا 1-4-سىنىپ وقۋشىلارىنىڭ ىستىق تاماعىنا بولىنگەن قارجى ۇنەمدەلىپ, ۇستازدار مەن وقۋشىلارعا كومپيۋتەر ساتىپ الۋعا جۇمسالدى.
ستۋدەنتتەر ستيپەندياسى ەكى ەسەگە كوبەيتىلىپ, 180 كوللەدجدىڭ ماتەريالدىق-تەحنيكالىق بازاسى جاڭارتىلادى. كوللەدجدەردە تەگىن وقۋعا مۇمكىندىك بەرىلىپ, وقىتۋ ساپاسى تومەن وقۋ ورىندارى جابىلادى, – دەدى ا.سەگىزباي.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.