ىسكەرلىك ىنتىماقتاستىق ارتادى
استانا اكىمى اسەت يسەكەشەۆ يوردانيا حاشيميت كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى احماد ينناب مىرزامەن كەزدەستى, دەپ حابارلادى astana.gov.kz
كەزدەسۋ بارىسىندا تاراپتار استانا مەن يوردانيا اراسىندا ساۋدا-ەكونوميكالىق جانە گۋمانيتارلىق ىقپالداستىقتىڭ ءبىرىزدى دامۋىنىڭ ماڭىزدىلىعىن اتاپ كورسەتتى.
«ءبىز استانا مەن يوردانيا ىسكەر توپتارىنىڭ اراسىنداعى بايلانىستاردى كەڭەيتۋگە جانە تەرەڭدەتۋگە مۇددەلىمىز جانە ءوزارا ءتيىمدى ينۆەستيتسيالىق جوبالاردى ىسكە اسىرۋدا قولداۋ كورسەتۋگە دايىنبىز» دەپ ءمالىم ەتتى ەلوردا اكىمى.
تاراپتار ىسكەرلىك ىنتىماقتاستىق ءۇشىن ەڭ پەرسپەكتيۆالىق سالالار رەتىندە اۋىلشارۋاشىلىق ونىمدەرىنىڭ ءوزارا جەتكىزىلىمدەرىن, فارماتسەۆتيكا جانە تۋريزم سالالارىن اتادى.
ءوز كەزەگىندە, احماد ينناب مىرزا يوردانيانىڭ ەكسپو-2017 حالىقارالىق مامانداندىرىلعان كورمەسىنە قاتىسۋعا دايىن ەكەنىن جەتكىزدى.
«ءبىز بولىنگەن پاۆيلونمەن تانىستىق, وتە ۇنادى. جاقىندا رەسمي قۇجاتقا قول قويىلادى, سودان سوڭ يوردانيا پاۆيلونىن تولتىرۋمەن اينالىساتىن توپ كەلەدى» دەدى ەلشى.
وسى ورايدا تاراپتار ەكسپو-2017 شەڭبەرىندە بىرلەسكەن رەسمي جانە مادەني شارالاردى وتكىزۋ جانە استانا مەن اممان باۋىرلاس قالالاردىڭ ايماقارالىق ىنتىماقتاستىعىن دامىتۋ ماسەلەلەرىن تالقىلادى.