كاسىپكە قولايلى شاھار
بۇگىنگى تاڭدا استانا شاعىن جانە ورتا بيزنەستى دامىتۋعا قولايلى قالاعا اينالىپ وتىر. ۇستىمىزدەگى جىلدىڭ 1 قىركۇيەكتەگى جاعدايى بويىنشا ەلوردادا جۇمىس ىستەپ تۇرعان زاڭدى تۇلعالاردىڭ سانى 42534 بىرلىكتى قۇرايدى. بۇل وتكەن جىلدىڭ سايكەس مەرزىمىمەن سالىستىرعاندا شاعىن جانە ورتا بيزنەس نىساندارى سانىنىڭ 10 پايىزعا ۇلعايعانىن كورسەتەدى.
باس قالاداعى زاڭدى تۇلعالاردىڭ 98,2 پايىزى – شاعىن, 1,1 پايىزى – ورتا جانە 0,7 پايىزى ءىرى كاسىپورىندار سانالادى. ال ولاردىڭ اۋداندار بويىنشا ارا سالماعى بىلاي بولىنگەن: الماتى – 27 پايىز, سارىارقا – 26,2 پايىز, بايقوڭىر – 23 پايىز, ەسىل 23,1 پايىزدى قۇرايدى.
زاڭدى تۇلعالاردىڭ ەڭ كوپ جۇمىس ىستەپ تۇرعان سالالارى ساۋدا كاسىپورىندارىنا تيەسىلى بولىپ وتىر. ولاردىڭ ۇلەسىندە 28,1 پايىز, قۇرىلىس – 19,0 پايىز, وزگە دە قىزمەتتەردى ۇسىنۋدا – 10,6 پايىز, كاسىبي, عىلىمي جانە تەحنيكالىق قىزمەت – 7,6 پايىز, ونەركاسىپ سالاسىندا – 5,3 پايىز, اكىمشىلىك جانە قوسالقى قىزمەت كورسەتۋ 5,2 پايىزعا ءوستى.
جۇمىس ىستەپ تۇرعان زاڭدى تۇلعالاردىڭ نەگىزگى بولىگى 92,4 پايىز – شارۋاشىلىق سەرىكتەستىك نىساندارى. جۇمىس ىستەپ تۇرعان زاڭدى تۇلعالاردىڭ 3 پايىزى – قوعامدىق, ءدىني بىرلەستىكتەر مەن قورلاردىڭ, مەكەمەلەر – 1,4 پايىز, تۇتىنۋ كووپەراتيۆتەرى – 1,2 پايىزعا, زاڭدى تۇلعالار بىرلەستىكتەرى – 0,7 پايىز, مەملەكەتتىك كاسىپورىندار – 0,6 پايىز, اكتسيونەرلىك قوعامدار بويىنشا – 0,5 پايىز, وندىرىستىك كووپەراتيۆتەر – 0,1 پايىز, وزگە دە ۇيىمدىق-قۇقىقتىق نىسانداعى كوممەرتسيالىق ەمەس ۇيىمداردىڭ 0,1 پايىز ۇلەسىنە تيەسىلى.
جۇمىس ىستەپ تۇرعان زاڭدى تۇلعالار باسشىلارىنىڭ اراسىندا ەرلەردىڭ ۇلەسى 69,5 پايىزدى, ايەلدەر 30,5 پايىز قۇرايدى. جىل باسىندا ولاردىڭ ۇلەس سالماعى بىلاي بولعان: ەرلەر – 70,3 پايىز, ايەلدەر – 29,7 پايىز.
نەگىزىنەن, ايەل ادامدار ءبىلىم سالاسىندا كوبىرەك باسشىلىق قىزمەتتە – 60,4 پايىز; دەنساۋلىق ساقتاۋ جانە الەۋمەتتىك قىزمەتتەر – 50,9 پايىز; ورنالاستىرۋ بويىنشا جانە تاماقتانۋ قىزمەتى – 43,5 پايىز; قارجى جانە ساقتاندىرۋ قىزمەتى – 40,9 پايىز; جىلجىمايتىن مۇلىكپەن جۇرگىزەتىن وپەراتسيالار – 37 پايىز; كاسىبي, عىلىمي جانە تەحنيكالىق قىزمەت – 36,8 پايىز.
2018 جىلدىڭ تامىز ايىندا ستاتيستيكالىق بيزنەس-تىركەلىم باستاپقى تىركەۋدەن وتكەن 654 زاڭدى تۇلعا سۋبەكتىسىمەن تولىقتى. ال وسى ارالىقتا جابىلعان بيزنەس سۋبەكتىلەردىڭ سانى 98 بولدى.