استانا. – اسەت يسەكەشەۆ قر پرەزيدەنتى اكىمشىلىگىنىڭ باسشىسى قىزمەتىنە تاعايىندالدى. دەپ حابارلايدى اقوردانىڭ ءباسپاسوز قىزمەتى .
«اسەت ورەنتايۇلى يسەكەشەۆ قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالسىن, ول استانا قالاسىنىڭ اكىمى قىزمەتىنەن بوساتىلسىن» دەلىنگەن ەلباسى جارلىعىندا.
اسەت يسەكەشەۆ 1971 جىلدىڭ 17 تامىزىندا تۋعان. 1994 جىلى ءال-فارابي اتىنداعى قازمۇۋ-ءدىڭ زاڭ فاكۋلتەتىن بىتىرگەن. 1998 جىلى قازاقستان رەسپۋبليكاسىنىڭ پرەزيدەنتى جانىنداعى جوعارى مەملەكەتتىك باسقارۋ مەكتەبىن اياقتادى. قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىندە, قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىندە جۇمىس ىستەدى.
2003-2006 جىلدارى قازاقستان رەسپۋبليكاسى يندۋستريا جانە ساۋدا ۆيتسە-ءمينيسترى.
2006-2007 جىلدارى «قازىنا» تۇراقتى دامۋ قورى» اق باسقارماسى توراعاسىنىڭ ورىنباسارى. 2007- 2008 جىلدارى «Credit Swiss (قازاقستان)» كومپانياسىنىڭ قارجىلىق جوبالار ماركەتينگى جونىندەگى ديرەكتورى.
2008 جىلعى اقپاننان 2009 جىلعى مامىر ارالىعىندا قازاقستان رەسپۋبليكاسى پرەزيدەنتىنىڭ ەكونوميكالىق ماسەلەلەر جونىندەگى كومەكشىسى. 2009 جىلعى مامىردان باستاپ قازاقستان رەسپۋبليكاسى يندۋستريا جانە ساۋدا ءمينيسترى.
2010 جىلدىڭ ناۋرىزىنان باستاپ قازاقستان رەسپۋبليكاسى پرەمەر-ءمينيسترىنىڭ ورىنباسارى – يندۋستريا جانە جاڭا تەحنولوگيالار ءمينيسترى. 2012 جىلدىڭ قاڭتار ايىنان باستاپ يندۋستريا جانە جاڭا تەحنولوگيالار ءمينيسترى.
2012 جىلدىڭ قىركۇيەگىنەن قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى.
2014 جىلدىڭ 06 تامىزىنان باستاپ ينۆەستيتسيالار جانە دامۋ ءمينيسترى.
2016 جىلعى 21 ماۋسىمنان باستاپ قازاقستان رەسپۋبليكاسى پرەزيدەنتىنىڭ № 288 جارلىعىمەن استانا قالاسىنىڭ اكىمى بولىپ تاعايىندالدى.
