ەلوردا پاراليمپيادالىق جاتتىعۋ ورتالىعىندا «سامۇرىق-قازىنا» اق كومپانيالار توبىنىڭ قارجىلىق قولداۋىمەن ەرەكشە قاجەتتىلىكتەرى بار بالالار مەن ولاردىڭ اتا-انالارىنا ارنالعان جارىس رەسپۋبليكالىق بۇقارالىق اقپارات قۇرالدارىنىڭ وكىلدەرىنىڭ قاتىسۋىمەن ءوتتى.
بالالارمەن بىرگە ءبىر قاتاردا تۇرىپ ءتۇرلى ەستافەتالىق ويىنداردى ويناۋ – ورتالىقتىڭ «كەڭ مۇمكىندىكتەر الەمى» باعدارلاماسىنىڭ ۇتقىر باستاماسى بولدى. ەرەكشە بالالار مەن ولاردىڭ اتا-انالارى قوعامنىڭ اشىقتىعىنا كوز جەتكىزىپ, وزدەرىنىڭ جالعىز ەمەستىگىن سەزىنەتىندەي ماڭىزدى سپورت مەرەكەسى بولدى. كوڭىلدى جارىستىڭ الدىندا ءسوز العان «Samruk-Kazyna Trust» الەۋمەتتىك جوبالاردى دامىتۋ قورىنىڭ باس ديرەكتورى الفيا اديەۆا, كومپانيانىڭ وسى باعىتتا اتقارىپ جاتقان جوبالارى تۋرالى ايتىپ, جارىستىڭ الەۋمەتتىك ماڭىزىنا توقتالدى.
بۇگىندە 250-گە جۋىق ەرەكشە بالالار پاراليمپيادالىق جاتتىعۋ ورتالىعىندا ءتۇرلى سپورت تۇرلەرىمەن اينالىسىپ, جاتتىعۋلارعا قاتىسادى. ولاردىڭ ورتاعا بەيىمدەلىپ, دەنەسىن شىنىقتىرىپ, كۇندەلىكتى ءومىرىن شۋاقتى ەتۋگە مۇندا بارلىق جاعداي جاسالعان.
