15 قازان – كىتاپحاناشىلار كۇنى. نۇر-سۇلتان قالاسى ورتالىقتاندىرىلعان كىتاپحانالار جۇيەسىنىڭ ۇيىمداستىرۋىمەن وسى مەرەكە قارساڭىندا, تاۋەلسىزدىكتىڭ 30 جىلدىعى اياسىندا بەلگىلى ءانشى, قازاقستاننىڭ ەڭبەك سىڭىرگەن ءارتىسى, ونەرتانۋ پروفەسسورى كەنجەعالي مىرجىقبايمەن كەزدەسۋ ءوتتى.
كلاسسيكالىق اندەردى ورىنداۋدىڭ شەبەرى, رەپەرتۋارى وتە باي ءانشى كىتاپحاناشىلار مەن وقىرماندارمەن جۇزدەسۋدە ەۋروپانىڭ, سونىڭ ىشىندە ورىس كلاسسيكاسىمەن جينالعانداردى سۋسىنداتتى. احمەت جۇبانوۆ, سىدىق مۇحامەدجانوۆ, ءشامشى قالداياقوۆ, ت. ب. قازاقتىڭ كورنەكتى كومپوزيتورلارىنىڭ شىعارمالارىن شىرقادى. كەزدەسۋدە قاتىسۋشىلارمەن سىرلاسىپ, ولاردىڭ سۇراقتارىنا جاۋاپ بەردى. ءوزىنىڭ ورىنداۋىندا جازىلعان ەكى سD-ديسكىنى كىتاپحانا ۇجىمىنا تارتۋ ەتتى.
ءوز تاراپىنان ورتالىقتاندىرىلعان كىتاپحانالار جۇيەسىنىڭ ديرەكتورى گۇلبادان مادىباەۆا وسىنداي اسەرلى كەش سىيلاعانى ءۇشىن انشىگە العىس ايتىپ, ۇجىم اتىنان ونەر قايراتكەرلەرىنىڭ شىعارمالارى توپتاستىرىلعان كىتاپتى سىيلادى.
