ەلوردا تورىندەگى «حاس سانات» ونەر گالەرەياسىندا گۋستاۆ كليمت كورمەسى اشىلدى.
قازاقستان رەسپۋبليكاسىنداعى اۆستريا ەلشىلىگىنىڭ باستاماسىمەن ۇيىمداستىرىلعان كورمەدەن ءحىح-حح عاسىردا ءومىر سۇرگەن اتاقتى سۋرەتشىنىڭ تاڭداۋلى تۋىندىلارىنىڭ رەپرودۋكتسيالارىن كوردىك. سۋرەت الەمىنە ۆەنالىق مودەرنيزم ءستيلىن ەنگىزۋىمەن تانىلعان گۋستاۆ كليمت ءوز زامانىنىڭ شىن مانىندەگى سىرشىل سۋرەتشىسى بولعانى ءماشھۇر.
كورمەنىڭ اشىلۋ سالتاناتىندا اۆستريانىڭ قازاقستان رەسپۋبليكاسىنداعى ەلشىسى گەرحارد سايللەر العاشقى كەلۋشىلەرگە ريزاشىلىعىن ءبىلدىرىپ, اتاقتى سۋرەتشىنىڭ شىعارماشىلىق ءومىرى تۋرالى اڭگىمەلەپ بەردى.
ءار سۋرەتىنىڭ وزەگىندە ادامنىڭ ومىرگە دەگەن قۇشتارلىعى, كوڭىل-كۇيى, تابيعاتپەن ۇيلەسىمدىلىگى شىنايى سەزىممەن ءورىلىپ بەرىلگەنى اڭعارىلادى. تۇيسىگى تەرەڭ قىلقالام شەبەرىنىڭ سۋرەتتەرىن سوزبەن ايتىپ ەمەس, كوزبەن كورىپ قانا تامسانۋعا بولادى.
ولاي بولسا, اتاقتى اۆستريالىق سۋرەتشىنىڭ كورمەسىن تاماشالاۋعا مۇمكىندىگىڭىز بار. كورمە اياسىندا اتاقتى سۋرەتشىنىڭ ءومىرى جانە شىعارماشىلىعى جايلى دارىستەر وقىلىپ, فيلمدەر كورسەتىلەدى. گۋستاۆ كليمت كورمەسى 15 ماۋسىمعا دەيىن جالعاسادى.
