كوكتەمدە جۇمىس كوبەيەدى
كەشە قالا اكىمى ادىلبەك جاقسىبەكوۆتىڭ توراعالىعىمەن وتكەن اپپارات وتىرىسى استانانى اباتتاندىرۋعا ارنالدى.
جيىن بارىسىندا شاھاردىڭ سانيتارلىق جاعدايى تالقىلاندى. ەلوردا باسشىسىنىڭ ايتۋىنشا, اۋا رايىنىڭ جىلىنۋى كوشە ينفراقۇرىلىمىن تازالاپ, تارتىپكە كەلتىرۋگە قولايلى بولىپ تۇر. كوكتەم شىققان سوڭ كوممۋنالدىق قىزمەتتەر مەن اۋدان اكىمدىكتەرىنە تۇسەتىن جۇكتەمە ارتادى. بۇل رەتتە ءاربىر مەنشىك يەسى مەن كاسىپكەر ءوز وبەكتىسىنىڭ سىرت كەلبەتىنە, ءاربىر پيك – اۋلا اۋماقتارىنا مۇقيات نازار اۋدارۋى كەرەك. كوكتەمگى جاڭارۋ قالا ىشىندە دە كورىنۋى ءتيىس.
ادىلبەك جاقسىبەكوۆ كوشەنى جارىقتاندىرۋ ماسەلەسىنە دە توقتالىپ, ەنەرگيا رەسۋرستارىن پايدالانۋ جولدارىن قايتا قاراۋدى ۇسىندى. ەڭبەكشىلەر كوشەسىندە «سمارت كوشەنى جارىقتاندىرۋ» پيلوتتىق جوباسى ەنگىزىلگەلى بەرى قۋاتتىڭ 50 پايىزى ۇنەمدەلدى. الداعى ۋاقىتتا وسىنداي تەحنولوگيا ودان ءارى كەڭەيتىلەدى.
قالالىق بيلىك جولاۋشىلاردى زاڭسىز تاسىمالداۋعا قاتىستى جاعدايلاردا بىرجاقتى پوزيتسيانى ۇستانادى. ادامداردىڭ مازاسىن الاتىن تاكسي جۇرگىزۋشىلەرى جول قوزعالىسى ەرەجەلەرىن بۇزادى جانە اينالاسىنا كوپتەگەن ىڭعايسىزدىقتار تۋدىرادى. ال تاكسيلەر جينالاتىن زاڭسىز ورىندار قالىپتى جايت كۇيىندە قابىلدانادى. وسى ورايدا جەرگىلىكتى پوليتسيا قىزمەتىنە اپتالىق رەيد جۇرگىزىپ, ءتارتىپ بۇزۋشىلاردى جاۋاپقا تارتۋ مىندەتتەلدى.
سونىمەن قاتار, تىلدەردى دامىتۋ باسقارماسىنا ساۋلەت جانە قالا قۇرىلىسى باسقارماسىمەن بىرلەسىپ سىرتقى جارناما مەن «تىلدەر تۋرالى» زاڭدى ساقتاۋ بويىنشا تاعى دا ءبىر تەكسەرۋ جۇرگىزۋ تاپسىرىلدى.
astana-akshamy.kz