– ازامات جول-قوزعالىسى ەرەجەسىن بۇزىپ, ايىپپۇل ارقالاسا, ونى 7 كۇن ىشىندە تولەسە, وندا ايىپپۇلدىڭ تەڭ جارتىسىن تولەي الادى. ال ەگەر ايىپپۇلدىڭ تولەنبەگەنىنە 40 كۇننەن اسىپ كەتسە, ءىس ءىىم ارنايى بولىمدەرىنە نە سوت ورىنداۋشىلارىنا جىبەرىلەدى. ال ولار ايىپپۇل تۋرالى قاۋلىنى ەرەجە بۇزعان ازامات جۇمىس ىستەيتىن مەكەمەگە جىبەرۋى ءتيىس. ونداي جاعدايدا ايىپپۇل ازاماتتىڭ ەڭبەكاقىسى, زەينەتاقىسىنان ۇستالادى. ايىپپۇلدى ۇستاپ قالۋ 6 اي مەرزىمنەن اسپايتىن ۋاقىتتا جۇزەگە اسىرىلادى. ەگەر ول ازامات جۇمىس ىستەمەسە جانە ايىپپۇلدى ءوندىرىپ الۋ قانداي دا ءبىر سەبەپپەن مۇمكىن بولماسا وندا ءىس سوت جانە ءتيىستى ورگانعا جىبەرىلەدى. 
ەگەر ايىپپۇل سالۋ تۋرالى بۇيرىق زاڭدى كۇشىنە ەنسە, بىراق سوت نەمەسە ءىىم ارنايى بولىمدەرى 1 جىل ىشىندە ايىپپۇل تولەتۋگە مىندەتتى ورگانعا ءتيىستى قاۋلىنى جىبەرمەسە, وندا بۇل قاۋلى ورىندالمايدى. ازاماتتىڭ ايىپپۇلدى تولەمەۋگە تولىق قۇقى بار. تاعى ءبىر ماڭىزدى دەتال – ءىس تۋرالى ازاماتقا رەسمي ء(مور باسىلعان قاعاز) حابارلانۋى ءتيىس.
ەگەر ازامات كامەراعا ءتۇسىپ قالسا, بىراق ايىپپۇل تولەۋ تۋرالى ەسكەرتپە قۇجات پوچتاعا تەك ايدان كەيىن عانا كەلسە, ونداي ايىپپۇلدى تولەمەۋگە بولادى. بۇدان بىلاي نۇر-سۇلتان قالاسىندا كولىك جۇرگىزۋشىلەرىن باقىلاۋ «دوزور-م» اپپاراتتى-باعدارلامالىق كەشەنى ارقىلى كۇشەيە تۇسپەك. قالالىق اكىمشىلىك پوليتسيا باسشىسى ەلجان شوپەكوۆتىڭ ايتۋىنشا, «دوزور-م» اپپاراتتى-باعدارلامالىق كەشەنى ورناتىلعان كولىك ءتارتىپ بۇزىپ تۇرعان كولىكتىڭ مەملەكەتتىك ءنومىرىن ءتۇسىرىپ الادى. كەشەن ەكى ءتۇرلى قۇقىق بۇزۋشىلىقتى انىقتايدى – جول بەلگىلەرى نەمەسە بەلگىلەرمەن بەلگىلەنگەن تالاپتاردى بۇزۋ, قر اكىمشىلىك قۇقىق بۇزۋشىلىق كودەكسىنىڭ 601-بابى بويىنشا اكىمشىلىك جاۋاپكەرشىلىك جانە 3 اەك ايىپپۇل (8334 تەڭگە) قاراستىرىلعان; كولىك قۇرالدارىن توقتاتۋ جانە تۇراققا قويۋ ەرەجەلەرىن بۇزعانى ءۇشىن جاۋاپكەرشىلىك – 597-باپ – 5 اەك» دەيدى شوپەكوۆ.
