جاقىندا مەملەكەت باسشىسىنىڭ تاپسىرماسىمەن ۇكىمەتتىڭ جانىنان ەلىمىزدىڭ ازاماتتارىنىڭ تابىسىن ارتتىرۋ جانە تۇرمىس ساپاسىن جاقسارتۋ, سونداي-اق كوپبالالى وتباسىلارعا قولداۋ شارالارىن كۇشەيتۋ جونىندەگى جۇمىس توبى قۇرىلعان بولاتىن.
پرەمەر-ءمينيستردىڭ ورىنباسارى ەربولات دوساەۆ باسشىلىق ەتەتىن بۇل توپتىڭ قۇرامى «نۇر وتان» پارتياسىنىڭ, الەۋمەتتىك-ەكونوميكالىق بلوك, ينفراقۇرىلىمدىق دامۋ, ىشكى ىستەر جانە جەرگىلىكتى اتقارۋشى ورگانداردىڭ وكىلدەرىنەن تۇرادى. كوميسسيا جۇمىسىنا بەيىندى ۇەۇ, ساراپشىلار مەن جۇرتشىلىق وكىلدەرى تارتىلدى. جۇمىس توبى ەكى اي ىشىندە مەملەكەت باسشىسى تاپسىرمالارىن ورىنداۋ بويىنشا كەشەندى شارالار قابىلداۋى قاجەت. بىرەر كۇن بۇرىن بۇل توپتىڭ كەزەكتى وتىرىسى ءوتىپ, قالعان ءبىر جارىم اي ىشىندە اتقارىلۋى ءتيىس جۇمىستىڭ نەگىزگى باعىتتارى انىقتالدى.
جۇمىس توبىنىڭ بۇل وتىرىسىن قالالىق اكىمدىكتە كوپبالالى انالار مەن جاعدايى تومەن وتباسى مۇشەلەرى تىكەلەي ەفيردە كورىپ, ءوز ويلارىن ورتاعا سالدى.
سونىمەن قاتار, قازىر استانادا «اشىق ەسىك» اپتالىعى ءوتىپ جاتىر. وندا قالا تۇرعىندارى, كوپبالالى انالار باسپانا, جاردەماقى سەكىلدى تۇيتكىلدى پروبلەمالاردى قوزعادى. قالا اكىمى باقىت سۇلتانوۆ پەن ونىڭ ورىنباسارلارى جانە باسقارما باسشىلارى تۇرعىنداردىڭ ءوتىنىش-ارىزدارىن تولىعىمەن تىڭداپ شىقتى. ناقتى جوسپار جاسالىپ, شەشىمدەر قولعا الىنۋدا. 13 اقپاننان باستالعان اپتالىق اياسىندا بۇگىنگە دەيىن 1000-عا جۋىق ازامات قابىلداندى.
