كەشە نۇر-سۇلتان قالاسى ءماسليحاتىنىڭ الەۋمەتتىك-مادەني دامۋ ماسەلەلەرى جونىندەگى تۇراقتى كوميسسيا وتىرىسىندا كوپبالالى وتباسىلاردى الەۋمەتتىك قولداۋ شارالارىن كۇشەيتۋ ۇسىنىلدى. ول ءۇشىن ءماسليحاتتىڭ بۇرىنعى كەيبىر شەشىمدەرىنە وزگەرىستەر ەنگىزۋ كەرەك. بۇل ۇسىنىستارمەن جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا تانىستىردى.
ونىڭ ايتۋىنشا, اتاۋلى الەۋمەتتىك كومەك الاتىن كوپبالالى انالارعا تىستەرىن پروتەزدەۋ مەن تىستەرىن ەمدەتۋگە جاردەم بەرۋ شەشىلدى. «بۇرىننان بۇل كومەكتى ۇلى وتان سوعىسى قاتىسۋشىلارى مەن مۇگەدەكتەرى, مۇمكىندىگى شەكتەۋلى جاندار مەن زەينەتكەرلەر الادى. ەندى بۇل ساناتقا كوپبالالى انالار دا قوسىلادى. ولاردى جىلىتۋ ماۋسىمى كەزىندە قاتتى وتىنمەن قامتاماسىز ەتۋدى, بۇل كومەك ءتۇرىن 8 ايلىق ەسەپتىك كورسەتكىشتەن 16 ايلىق ەسەپتىك كورسەتكىشكە ءوسىرۋدى ۇسىنامىز» دەدى باسقارما باسشىسى.
