– ۇكىمەتتىڭ جانىنان ەلىمىزدىڭ ازاماتتارىنىڭ تابىسىن ارتتىرۋ جانە تۇرمىس ساپاسىن جاقسارتۋ, كوپبالالى وتباسىلارعا قولداۋ شارالارىن كۇشەيتۋ جونىندەگى جۇمىس توبى قۇرىلدى. ءبىرىنشى كەزەكتە كوپبالالى وتباسىلاردى باسپانامەن قامتۋ ماسەلەسىن شەشۋ كەرەكتىگىنە 100 پايىز كەلىسىپ, مۇنى قولدايمىز. بۇل ادامداردىڭ ماتەريالدىق جاعدايى ونسىز دا تومەن, ونىڭ ۇستىنە ولار 50-100 مىڭ تەڭگەگە ءۇي جالداپ تۇرۋعا ءماجبۇر. ونداي ادامدار قالادا وتە كوپ. باسپانامەن قامتۋ ىسىڭدە كوپبالالى وتباسىلارعا جەتىم بالالارعا, ۇلى وتان سوعىسىنا قاتىسۋشىلارعا سياقتى باسىمدىق بەرىلۋى ءتيىس. ولاردى جەكە ساناتقا ءبولىپ الىپ, جەڭىلدىكپەن بەرىلەتىن پاتەر كەزەگىنە قويۋ كەرەك. ونىڭ سەبەبى قازىر قالادا 46 مىڭعا جۋىق ادام تۇرعىن ءۇي كەزەگىندە تۇر. قوعامدىق كەڭەستىڭ جاڭا قۇرامىندا بولامىز با, بولمايمىز با, بىراق قالاداعى كوپبالالى وتباسىلاردىڭ بارلىق ماسەلەلەرىن بىرلەسىپ شەشۋ ءۇشىن كوپبالالى انالار قوعامى نەمەسە اسسوتسياتسياسى قۇرىلسا ەكەن دەيمىن. ماعان وسى دۇرىس سياقتى كورىنەدى.
