ەلباسى كىتاپحاناسىندا اس ىشۋگە ارنالعان كورەي تاياقشالارىنىڭ «K-Chopsticks: Connection» كورمەسى اشىلدى. بۇل مادەني شارا قازاقستان مەن كورەي رەسپۋبليكاسى اراسىنداعى ستراتەگيالىق ارىپتەستىكتىڭ 10 جىلدىعىنا ارنالدى.
كورمەنىڭ اشىلۋىندا ەلباسى كىتاپحاناسىنىڭ ديرەكتورى ءامىرحان راحىمجانوۆ ەكى ەل اراسىنداعى بايلانىسقا قىسقاشا توقتالىپ ءوتتى.
ال قازاقستانداعى كورەي رەسپۋبليكاسىنىڭ ەلشىسى كيم دەسيك بۇل كورمەنىڭ كورەي حالقىنىڭ داستۇرلەرى مەن ومىرلىك كوزقاراستارىمەن تانىستىرۋدى كوزدەيتىنىن ايتتى. «بۇل قۇرالدار كورەيانىڭ عانا ەمەس, جالپى, شىعىس ازيا ەلدەرى مادەنيەتىنىڭ اجىراماس بولىگىنە اينالعان» دەدى ول.
كورمەگە چونچجۋ قالاسىندا تۇراتىن 46 قولدانبالى ونەر شەبەرلەرى دايىنداعان 400-گە جۋىق جۇمىس ۇسىنىلدى. بۇل تۋىندىلار بۇعان دەيىن بانگكوك جانە سيدنەي قالاسىندا وتكەن كورمەگە قويىلعان.
شىن مانىندە, كورمەگە كەلۋشىلەر كورەي تاماقتانۋ مادەنيەتىمەن, سونداي-اق ارقايسىسى ونەر تۋىندىسى سانالاتىن اسحانا اسپاپتارىنىڭ بىرەگەي توپتاماسىمەن تانىستى. ەكسپوزيتسيادا شەبەر كيم سونحونىڭ سىرلانعان اسحانا اسپاپتارى, لي چونگۋكتىڭ پۋندي بۇرىشتى اعاشىنان جاسالعان تاياقشالارى, لي سوردىڭ اسحانا اسپاپتارىنا ارنالعان تىسقاپتارى جانە پاك سانگتەنىڭ «يۋگي» ءداستۇرلى كورەي قولاسىنان جاسالعان اسحانا اسپاپتارى اسقان شەبەرلىكپەن جاسالعان. سونىمەن بىرگە چونچجۋ قالاسىنىڭ تاريحىنان سىر شەرتەتىن ونەر بۇيىمدارى دا جۇرتشىلىقتى جىلى اسەرگە بولەدى.
ايتا كەتەيىك, بۇل كورمە 11 تامىزعا دەيىن جالعاسادى.
