كەڭەسكە پرەزيدەنت اكىمشىلىگىنىڭ باسشىسى ءا.جاقسىبەكوۆ, پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى ۆ.جۇماقانوۆ, باس پروكۋرور ج.اسانوۆ, مەملەكەتتىك كۇزەت قىزمەتىنىڭ باستىعى ا.كۇرەڭبەكوۆ, قورعانىس ءمينيسترى س.جاسۇزاقوۆ, ىشكى ىستەر مينيسترى ق.قاسىموۆ, «سىربار» سىرتقى بارلاۋ قىزمەتىنىڭ ديرەكتورى ع.بايجانوۆ, استانا قالاسىنىڭ اكىمى ءا.يسەكەشەۆ, «استانا ەكسپو-2017» ۇك» اق باسقارما توراعاسى ا.ەسىموۆ, ۇلتتىق قاۋىپسىزدىك كوميتەتى توراعاسىنىڭ ءبىرىنشى ورىنباسارى س.ءابىش قاتىستى.
باسقوسۋدا «ەكسپو-2017» حالىقارالىق كورمەسىن وتكىزۋدىڭ جالپى ءتارتىبى جانە ونى وتكىزۋ كەزىندە ەلوردا تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋ ماسەلەلەرى قارالدى.
مەملەكەت باسشىسى الداعى ءىس-شارانى دايىنداۋ جانە ونى ساپالى وتكىزۋ ءۇشىن اۋقىمدى جۇمىستار اتقارىلعانىن اتاپ ءوتتى.
– ءبىز شەشۋشى ساتكە – كورمەنىڭ اشىلۋىنا تاياپ قالدىق. قازاقستاننىڭ استاناسىنا كەلەتىن قوناقتار سانى كوپ بولادى. بۇگىندە «ەكسپو-2017» كورمەسىنە 1,2 ميلليون بيلەت ساتىلعان ەكەن. بۇل – ءبىز كۇتكەندەگىدەن الدەقايدا كوپ, – دەدى مەملەكەت باسشىسى.
نۇرسۇلتان نازارباەۆ الەمدەگى جاعدايدىڭ تۇراقسىز ەكەنىن ەسكەرە وتىرىپ, كورمەنى وتكىزۋ كەزىندە قوناقتار مەن ەل ازاماتتارىنىڭ قاۋىپسىزدىگىن استانادا عانا ەمەس, بارلىق وڭىرىمىزدە دە جوعارى دەڭگەيدە قامتاماسىز ەتۋ ماڭىزدى ەكەنىن اتاپ ءوتتى. بۇل ءۇشىن ءار باسشىعا جەكە جاۋاپكەرشىلىك جۇكتەلەدى.
مەملەكەت باسشىسى كەڭەس قورىتىندىسى بويىنشا بىرقاتار تاپسىرما بەردى.
