«1000 ورىن – كوشە ساۋداسى» باعدارلاماسى ءبىر جارىم مىڭنان استام تۇرعىنداردى جۇمىسپەن قامتىعان. 2016 جىلدان بەرى قولعا الىنعان جوبا بويىنشا بۇگىندە قالاداعى 630 ورىن جەكە كاسىپكەرلەرگە جالعا بەرىلدى.
ءبىر جىل ىشىندە باعدارلامانى جۇزەگە اسىرۋعا 1200-دەن اسا كاسىپكەر قاتىسىپ, 1500-گە جۋىق جۇمىس ورنى قۇرىلعان. بۇل بىرنەشە ءىرى زاۋىتتى ىسكە قوسقانمەن بىردەي ەكەنىن ايتادى ماماندار.
جەر ۋچاسكەسى كونكۋرس ارقىلى بولىنەدى. ۇسىنىلعان ورىنداردىڭ 231-ءى جەمىس-جيدەككە, 205-ءى فاست-فۋدقا, 75-ءى تاعامعا, 50-ءى گۇلگە, 30-ى ءموبيلدى تەحنيكالىق سەرۆيسكە, 11-ءى گازەت دۇڭگىرشەگىنە, ەكەۋى تۇرمىستىق قىزمەت سەرۆيسىنە, ەكەۋى بالالار سەرۋەنىنە, تاعى ەكەۋى كادەسىي ونىمدەرىنە بەرىلگەن.
اتالمىش جوبا شاعىن جانە ورتا كاسىپكەرلىكتى دامىتىپ, كوپ جاعدايدا وتباسىلىق بيزنەستى ۇيىمداستىرۋدىڭ سەبەپكەرى بولىپ, جۇمىسسىزداردى ءوزىن-ءوزى ەڭبەكپەن قامتاماسىز ەتۋگە بەيىمدەۋدە. وسى جوبانىڭ ارقاسىندا قالا قازىناسىنا 1,1 ملرد تەڭگە ينۆەستيتسيا قۇيىلعان.
بۇدان بولەك, قوعامدىق اۋكتسيون وتكىزۋ ۇدەرىستەرىن ىسكە اسىرۋ شەڭبەرىندە بلوكچەين جۇيەسى بويىنشا اۋكتسيون وتكىزۋ ءۇشىن ەلەكتروندى پلاتفورما جاساۋدىڭ جۇمىستارى قولعا الىنۋدا. سونىمەن قاتار, قازىرگى تاڭدا QR-كود پەن ازىرلەۋ بويىنشا دا جۇمىستار جۇرگىزىلۋدە.
ايتا كەتۋ كەرەك, كونكۋرسقا قاتىسۋ جانە ءوتىنىش بەرۋ جونىندە «Astana» الەۋمەتتىك كورپوراتسياسىنىڭ 8 (7172) 61-35-54 بايلانىس نومىرىنە حابارلاسۋعا بولادى. وتىنىشتەر تەك شاعىن جانە ورتا كاسىپ يەلەرىنەن قابىلدانادى.
