ەلورداداعى №76 مەكتەپ-ليتسەيىندە قاناتقاقتى جوبا رەتىندە لاتىن الىپبيىندە جۇمىس ىستەۋدى باستاعان ءبىلىم بەرۋ ورىندارى اراسىندا «Latyn ءاlىpbıى» اتتى قالالىق كىشى وليمپيادا ءوتتى.
بۇل ءىس-شارانى «استانا دارىنى» دارىندىلىقتى دامىتۋ جانە پسيحولوگيالىق ورتالىعى ۇيىمداستىردى. وليمپيادانىڭ ماقساتى جاسوسپىرىمدەر اراسىندا لاتىن گرافيكاسىنا نەگىزدەلگەن قازاق ءالىپبيىن ناسيحاتتاۋ جانە ولاردىڭ تىلدىك بىلىمدەرىن جەتىلدىرۋدى كوزدەگەن. سايىسقا شاھارداعى ءبىلىم بەرۋ ورىندارىنان – 5 مەكتەپ, 3 كوللەدجدەن 8 كوماندا قاتىستى. وليمپيادا ءتورت اينالىمنان تۇردى. ولار «ءالىپبي», «وي-تانىم», «ول كىم, بۇل نە؟» جانە «ءتىلتانىم» دەپ اتالدى.
بايقاۋدىڭ اشىلۋىندا №76 مەكتەپ-ليتسەيىنىڭ ديرەكتورى سافۋرا تولەكوۆا ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىندا ايتىلعان پاراساتتى ويلارعا توقتالىپ, قاتىسۋشىلارعا تىلەكتەستىگىن ءبىلدىردى.
سايىسقا شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي پراكتيكالىق ورتالىعىنىڭ ماماندارى قازىلىق جاسادى.
سونىمەن, ءبىرىنشى ورىندى №77 مەكتەپ-گيمنازياسى جەڭىپ الدى. ەكىنشى ورىندى №76 مەكتەپ-ليتسەيى مەن №68 ورتا مەكتەبى يەلەندى. ءۇشىنشى ورىندى – №40 ورتا مەكتەبى, №67 گيمنازياسى مەن گۋمانيتارلىق كوللەدج كوماندالارى قاناعات تۇتتى.
