كەشە Nur Otan پارتياسىنان نۇر-سۇلتان قالاسى ءماسليحاتىنا ۇمىتكەرلەر, Nur Otan پارتياسىنىڭ مۇشەلەرى ەرلان داكەنوۆ, ۆلاديسلاۆ سەرگەەۆ, ازامات ايتقوجين ەلورداداعى ماكسيم گوركي اتىنداعى مەملەكەتتىك اكادەميالىق ورىس دراما تەاترىنىڭ ۇجىمىمەن كەزدەستى.
كەزدەسۋدە مادەنيەت سالاسىنداعى جەتىستىكتەر مەن ساقتالىپ وتىرعان ماسەلەلەر تالقىلاندى. سونىمەن قاتار, قوعامدىق كولىك, جىلى ايالداما سياقتى الەۋمەتتىك تۇيىندەر دە قوزعالىپ, تەاتر قىزمەتكەرلەرىنىڭ جالاقى, باسپانا ماسەلەلەرى سياقتى تاقىرىپتار دا قوزعالدى. تەاتر باسشىلارى تەاتردا قازىرگى تاڭدا جوندەۋ جۇمىستارى ءجۇرىپ جاتقانىن, الايدا پاندەميا مەن قارجى ماسەلەسىنە بايلانىستى بۇل ءىس تىم سىلبىر ەكەنىن ايتا كەلىپ, ءتيىستى مەكەمەلەردىڭ كومەك كورسەتۋىن ءوتىندى. ۇمىتكەرلەر كوتەرىلگەن ماسەلەلەردىڭ وڭ شەشىم تابۋىنا ءوز تاراپتارىنان ءۇن قوساتىنىن جەتكىزدى.
«بۇل جولعى سايلاۋعا مادەنيەت سالاسىنان ۇمىتكەر رەتىندە قاتىسامىن. بۇگىنگى كەزدەسۋدىڭ ءمانى زور دەپ ويلايمىن. جالپى ەلىمىزدە مادەنيەت سالاسىن دامىتۋعا ەرەكشە كوڭىل بولىنەدى. بيىلدىڭ وزىندە ەلوردامىزدا بىرنەشە تەاتر عيماراتى پايدالانۋعا بەرىلدى. مادەنيەت سالاسىن دامىتۋعا بولىنگەن قارجى دا از ەمەس. ونىڭ ۇستىنە, ەلىمىزدە تەك قازاق مادەنيەتىنە عانا كوڭىل ءبولىنىپ جاتقان جوق, قازاقستانداعى بارلىق ەتنوستاردىڭ مادەنيەتىن دامىتۋعا جاقسى جاعداي جاسالعان» دەدى نۇر-سۇلتان قالاسى مەملەكەتتىك اكەدەميالىق فيلارمونياسىنىڭ باس ديرەكتورى, Nur Otan پارتياسى اتىنان قالالىق ماسليحاتقا ۇمىتكەر رەتىندە تىركەلگەن ەرلان داكەنوۆ.
كەزدەسۋ سوڭىندا ول تەاتر قىزمەتكەرلەرىنە سايلاۋعا بەلسەنە قاتىسىپ, وزدەرى قالاعان ۇمىتكەرلەرگە داۋىس بەرۋگە ۇندەپ, ۇمىتكەرلەرگە ساتتىلىك تىلەدى.
جالپى العاندا, «نۇر وتان» پارتياسى ءبىزدىڭ قوعامنىڭ بىرەگەيلىگىن ايقىندايتىن مادەني جانە رۋحاني قۇندىلىقتاردى ناسيحاتتاۋعا ەرەكشە كوڭىل بولۋدە.
بۇل جالپىحالىقتىق ىسكە اينالۋى ءتيىس.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.
