نۇر-سۇلتان قالالىق ءماسليحاتتىڭ دەپۋتاتتىعىنا ۇمىتكەرلەر سايلاۋالدى ۇگىت-ناسيحات جۇمىستارى جالعاستىرۋدا. ۇمىتكەرلەردىڭ ءبىر توبى رەسپۋبليكالىق عارىشتىق بايلانىس ورتالىعى قىزمەتكەرلەرىمەن Zoom فورماتىندا جۇزدەستى.
بۇگىنگى كۇندە تۇراقتىلىق پەن دامۋدىڭ بەرىك كەپىلىنە اينالعان «نۇر وتان» پارتياسى ەلىمىزدىڭ جەتەكشى ساياسي كۇشى رەتىندە حالقىمىزدىڭ بىرلىگىن, ەلىمىزدىڭ وركەندەۋىن قامتاماسىز ەتۋ جانە ءاربىر قازاقستاندىق ازاماتتىڭ ءال-اۋقاتىن ارتتىرۋ باعىتىنداعى جۇمىسىن جالعاستىرىپ كەلەدى.
ساياسي وقيعانىڭ قارساڭىندا پارتيانىڭ ەلىمىزدەگى وتباسىلاردىڭ ءال-اۋقاتتىلىق دەڭگەيىن جاساۋداعى ۇستانىمدارىن ايتا كەتكەن ءجون.
سونىڭ باستىسى ۇكىمەتپەن جانە اكىمدەرمەن بىرگە از قامتىلعان كوپبالالى وتباسىلارىنا كومەك كورسەتۋدىڭ ءارتۇرلى تەتىكتەرى قامتىلعان «باقىتتى وتباسى» پارتيالىق جوباسى دەۋگە بولادى.
ءاربىر قازاقستاندىق وتباسى بالالاردىڭ بالالىق ءومىرى الاڭسىز بولۋىن ماتەريالدىق تۇرعىدان قامتاماسىز ەتە الۋى كەرەك. كوپبالالى وتباسىلاردى قولداۋعا, كوپبالالى انالاردىڭ ۇيدە وتىرىپ جۇمىس جاساۋىنا قاجەتتى جاعداي جاسالىپ كەلدى. كۇنكورىسى تومەن كوپبالالى جانە تولىق ەمەس وتباسىلار, سونداي-اق مۇمكىندىگى شەكتەۋلى بالالارى بار وتباسىلار ءۇشىن تۇرعىن ءۇي ماسەلەسىن شەشۋدىڭ مۇمكىندىكتەرى قاراستىرىلىپ, كوپتەگەن ەلوردالىقتار جەڭىلدىكپەن باسپانالى بولىپ جاتىر.
اتا-انالاردىڭ جۇمىسقا شىعۋ تۋرالى شەشىمى بالانى كۇتىپ-باعۋ ساپاسىنا اسەر ەتپەۋى كەرەك. سوندىقتان دا 3 جاسقا تولماعان بالالارعا ارنالعان دامىتۋ ورتالىقتارىنىڭ سانىن كوبەيتۋگە قول جەتكىزىلدى.
نۇر-سۇلتان قالالىق ءماسليحاتتىڭ دەپۋتاتتىعىنا ۇمىتكەر قۇرالاي وشاقباەۆا – كوپبالالى انا. ونى ءىnstagram-نىڭ قازاقستاندىق سەگمەنتى جاقسى بىلەدى, 1,1 ملن جازىلۋشىسى بار. بۇل – ءماسليحات قاتارىنا كەڭ تانىمال ادامداردىڭ تارتىلۋىنىڭ, قوعامداعى وزگەرىستەردى قالىڭ كوپشىلىكتىڭ قولدايتىنىنىڭ بەلگىسى.
جالپى, ماسليحاتتاعى ەلوردالىق Nur Otan پارتياسىنىڭ ءتىزىمى 90 پايىزعا جاڭارتىلدى. تالداۋ كورسەتكەندەي, تىزىمدەگى ايەلدەردىڭ ۇلەسى 20-دان 30 پايىزعا دەيىن, ال 35 جاسقا دەيىنگى جاستار 0-دەن 22,5 پايىزعا دەيىن ءوستى. ۇمىتكەرلەردىڭ ورتاشا جاسى 9 جاسقا – 52 جاستان 43 جاسقا دەيىن جاساردى. قىزمەتتەگى 25 دەپۋتاتتىڭ 5-ءى عانا جاڭا پارتيالىق تىزىمگە ەندى.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.
