قالالىق №8 ەمحانا بازاسىندا پسيحياتريالىق كومەك كورسەتەتىن باستاپقى ورتالىق اشىلدى. ەلوردا بويىنشا مۇنداي ورتالىقتار 7 مىڭنان استام تۇرعىندارعا كومەك كورسەتىپ كەلەدى.
ەندى كونسۋلتاتيۆتى كەڭەسكە جۇگىنۋ ءۇشىن قالا تۇرعىندارىنا قالالىق باس پسيحياتريا دەنساۋلىق ورتالىعىنا بارماي-اق, تۇرعىلىقتى مەكەنجايى بويىنشا جاقىن جەردە ورنالاسقان ەمحانادان كومەك الا الادى.
نۇر-سۇلتان قالاسىنىڭ مەديتسينالىق پسيحياتريا دەنساۋلىق ورتالىعىنىڭ ديرەكتورىنىڭ ايتۋىنشا, پاندەميا كەزىندە ءار ادامنىڭ پسيحيكالىق جاعدايىن كۇتۋى جانە وعان كوڭىل ءبولۋى وتە ماڭىزدى. «بۇكىل الەمدە 10 قازاندا پسيحيكالىق دەنساۋلىق كۇنى اتاپ وتىلەدى. ادامنىڭ پسيحيكالىق دەنساۋلىعى دەگەنىمىز ءوز الەۋەتىن ىسكە اسىرا الاتىن, سترەستى جەڭە الاتىن ءال-اۋقات جاعدايىن بىلدىرەدى. پاندەميا كەزىندە كوپتەگەن ادامدار قاراپايىم ومىرلىك قيىندىقتارعا تاپ بولىپ, قيىندىقتاردان شىعۋدىڭ جولىن تابا المادى. وسىندايدا باستاپقى ورتالىقتاردىڭ كومەگى كەرەك-اق» دەدى مەديتسينالىق پسيحياتريا دەنساۋلىق ورتالىعىنىڭ ديرەكتورى ولگا كوماروۆا.
بۇگىندە وسىنداي ورتالىقتار قالالىق №2, №6, №9, №10 ەمحانالاردا اشىلعان. مامانداندىرىلعان كومەكتى كوپسالالى بريگادا, پسيحياتر, پسيحوتەراپەۆت, پسيحولوگ, الەۋمەتتىك قىزمەتكەرلەر كورسەتەدى.
نۇر-سۇلتان قالاسىندا ەرەسەك تۇرعىندار اراسىنداعى اۋىر پسيحيكالىق جانە مىنەز-قۇلىق بۇزىلىستارىنا شالدىققانداردىڭ سانى 2019 جىلعى 306-دان 2020 جىلدىڭ 9 ايىنا سايكەس 192 جاعدايعا دەيىن تومەندەدى.
