ويىن-ساۋىق مەكەمەلەرىنە رەيد جۇرگىزىلدى

ءموبيلدى توپ ەلوردانىڭ بىرقاتار ويىن-ساۋىق ورىندارىنا رەيد جۇرگىزىپ, بىرقاتار زاڭبۇزۋشىلىقتاردى انىقتادى.

«18 جەلتوقساندا مونيتورينگ توبى كەشكى ارالاۋ كەزىندە ەسىل اۋدانىنىڭ پوليتسيا باسقارماسى قىزمەتكەرلەرىمەن بىرگە «Bla Bla» بار, «زولوتو» مەيرامحاناسى, «Dark Side» بارى, «Icon» كلۋبى, «Tequila» لاۋندج بارى, «Aura club ALANYA» تۇنگى كلۋبىندا كارانتين رەجيمىنىڭ ساقتالۋىن تەكسەردى. ناتيجەسىندە اتالعان نىسانداردىڭ بارلىعى جۇمىس كەستەسىن بۇزعان» دەپ حابارلادى ەسىل اۋدانى اكىمدىگى.

بۇگىنگى تاڭدا كارانتين تالاپتارىنا باعىنباعان «SOVA» كاراوكە-بارى, «جانىم سول» كاراوكە-بارى, «Alanya» تۇنگى كلۋبى, «Teqila» لاۋندج-بارى, «Echo» بارى مەن «زولوتو» مەيرامحاناسىنا قاتىستى نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنا 7 اكىمشىلىك حاتتاما جىبەرىلدى.