استانادا ۆانداليزمگە قارسى «توقتال, ۆاندال!» اكتسياسى ءوتتى. ءىس-شارانىڭ وتۋىنە بايقوڭىر اۋدانى اكىمدىگى, قالالىق پوليتسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسى, جاستار ساياساتى ماسەلەلەرى باسقارماسى جانە «استانا جاستارى» جاستار رەسۋرستىق ورتالىعىنىڭ ۆولونتەرلەرى ۇيىتقى بولدى.
اكتسيا قالا مۇلكىن قورعاۋعا, قوعامدىق ورىنداردا ءتارتىپتى ساقتاۋعا باعىتتالدى. بوتەننىڭ مۇلكىن قاساقانا ءبۇلدىرۋ اكىمشىلىك جاۋاپكەرشىلىككە اكەپ سوعادى. ۆانداليزم جاساعاندار جازاسىز قالمايدى.
«ۆانداليزم قوعام مۇلكىنە زيان تيگىزۋ عانا ەمەس, تۇرعىنداردىڭ قاۋىپسىزدىگى مەن جايلىلىعىنا قاۋىپ توندىرەتىنىن ەسكەرگەن ءجون. بۇل اكتسيا قوعامدىق مۇلىكتىڭ بۇلىنۋىنە جول بەرمەۋدى, سونداي-اق ازاماتتاردىڭ ساناسى مەن جاۋاپكەرشىلىگىن ارتتىرۋدى ناسيحاتتايدى. جالپى ءاربىر ازامات قالا تازالىعىنا نەمقۇرايدى قاراماۋى قاجەت. اسىرەسە جاستار ۆانداليزم ارەكەتىنىڭ الدىن الىپ, تازا ءارى قاۋىپسىز ورتا قالىپتاستىرۋعا اتسالىسقانى دۇرىس» دەدى «استانا جاستارى» جاستار رەسۋرستىق ورتالىعىنىڭ مامانى سۇلتان ومىرعاليەۆ.
اكتسيا قالادا ءداستۇرلى تۇردە ۆولونتەرلەردىڭ قاتىسۋىمەن وتەدى. سولاردىڭ ءبىرى ەراسىل تولەندى مۇنداي ءىس-شاراعا ۇنەمى اتسالىساتىنىن ايتتى.
«ساياباقتار, اۋلالار, كوشەلەردەگى مۇلىكتى بۇلدىرەتىن بۇزاقىلىقتىڭ الدىن الۋ بويىنشا تۇراقتى نەگىزدە استانادا الدىن الۋ بويىنشا جۇمىس جۇرەدى. ونىڭ بارىسىندا ەسىرتكىنى جاسىرىن, بۇركەمەلەپ ناسيحاتتاۋعا تىرىساتىن كوشە جارنامالارى جويىلادى. ناشاقورلاردىڭ كوبەيە تۇسۋىنە ەسىرتكىنى تاراتۋشى مەن ساتۋشىلاردىڭ, ناسيحاتتاۋشىلاردىڭ ۇلەسى مول. سوڭعى كەزدەرى وعان جاسوسپىرىمدەر تاراپىنان قىزىعۋشىلىق بايقالادى. سوندىقتان وسىنداي اكتسيا بارىسىندا جاستاردى بۇزاقىلىققا قارسى تۇرۋعا شاقىرامىز» دەدى ۆولونتەر.
