ەلوردانىڭ ستۋدەنت جاستارىنا ارنالعان رەپرودۋكتيۆتى دەنساۋلىق بويىنشا سەمينار ءوتتى. سەميناردى قالالىق جاستار ساياساتى ماسەلەلەرى جونىندەگى باسقارما مەن اكىمدىك جانىنداعى ايەلدەر ىستەرى جانە وتباسى-دەموگرافيا ساياساتى جونىندەگى كوميسسيا ۇيىمداستىردى.
قالا بويىنشا «Astana Polytechnic» جوعارى كوللەدجى, استانا قالاسى جوعارعى كولىك جانە كوممۋنيكاتسيا كوللەدجى, م.تىنىشپاەۆ اتىنداعى قازاق كولىك جانە كوممۋنيكاتسيا اكادەمياسىنىڭ اقمولا كوللەدجى, «تۇران-استانا» ۋنيۆەرسيتەتى, س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە وتكەن سەميناردا جوعارعى ساناتتى دارىگەر اكۋشەر-گينەكولوگتار ءدارىس وقىدى. ماماندار جاستاردىڭ رەپرودۋكتيۆتى دەنساۋلىعى, جىنىستىق جولمەن بەرىلەتىن اۋرۋلار, وتباسىن جوسپارلاۋ, ءجاسوسپىرىم جاستاعى جۇكتىلىك ماسەلەلەرى جايىندا ايتتى. ءىس-شارانىڭ ماقساتى – ستۋدەنتتەرگە رەپرودۋكتيۆتى دەنساۋلىق تۋرالى جان-جاقتى اقپارات بەرىپ, كوكەيىندە جۇرگەن سۇراقتارعا جاۋاپ بەرۋ.
– بىرىنشىدەن, بالالاردىڭ الدىندا بارلىق ماسەلەنى اشىق ايتۋ كەرەك. ەكىنشىدەن, ەر بالا مەن قىز بالانىڭ اراسىنداعى قارىم-قاتىناس, ولاردىڭ جاۋاپكەرشىلىك الۋى سەكىلدى تاقىرىپتار قوزعالۋى قاجەت. قازىرگى كەزدە جاستاردىڭ ءبارى كوزى اشىق, كوكىرەگى وياۋ ءارى ساۋاتتى, ءبىلىمدى. سوندا دا بىلىكتى مامانداردان ناقتى ماسەلەلەر تۇرعىسىندا نەعۇرلىم دۇرىس ءارى مول اقپارات الىپ, كوپ ايتسا, ومىردە كەزدەسكەن قيىندىقتى ەڭسەرە الادى. نەگىزىنەن, بۇل تاقىرىپتى ۇيدە بالاعا اشىق ايتىپ ۇيرەتە باستاۋ كەرەك. مۇنداي وتىرىستاردى ايىنا ءبىر رەت ۇيىمداستىرىپ تۇرعان ءجون. ءويتكەنى ءجيى بولعان سايىن ونىڭ پايداسى دا كوبىرەك بولادى. ال بۇل تاقىرىپ جابىق بولسا, جاستاردىڭ دا قىزىعۋشىلىعى ارتا بەرەدى, – دەدى دارىگەر-پەدياتر گۇلنار كۋلۋشەۆا.
