استانا قالاسى پوليتسيا دەپارتامەنتىنىڭ باستىعى, گەنەرال-مايور مارات تولەباەۆ حالىققا ەسەپ بەرۋ كەزدەسۋىن وتكىزدى. جيىنعا استانا قالاسى ءماسليحاتىنىڭ دەپۋتاتتارى مەن قالالىق قوعامدىق كەڭەسىنىڭ مۇشەلەرى, قالا اۋداندارىنىڭ باسشىلارى, ءدىن وكىلدەرى قاتىستى.
ۆەدومستۆو باسشىسى ەلوردا دەپارتامەنتىنىڭ وتكەن جىلداعى جۇمىسىنىڭ قورىتىندىلارىنا توقتالىپ, قۇقىقتىق ءتارتىپتى قامتاماسىز ەتۋگە قاتىستى تۋىنداعان ماسەلەلەر مەن ۇسىنىستاردى تىڭدادى. وتكەن جىلدىڭ قورىتىندىسى بويىنشا قىلمىستار سانىنىڭ ازداپ وسكەنى بايقالىپ وتىرعانىن, بىراق قابىلدانعان شارالاردىڭ ارقاسىندا ۇرلاۋ, توناۋ, كولىكتى ايداپ اكەتۋ, بۇزاقىلىق فاكتىلەرىنىڭ ازايعانىن, كوشەلەردە, وتباسىلىق-تۇرمىستىق سالادا قىلمىستار سانى تومەندەگەنىن, كىسى ءولتىرۋ, زورلاۋ, توناۋ, كولىكتى ايداپ اكەتۋ, ۆانداليزم, قالتا ۇرلىعى سىندى قىلمىستاردىڭ ءبارى اشىلعانىن اتاپ ءوتتى.
ونىڭ ايتۋىنشا, كوشەلەردە قاۋىپسىزدىكتى قامتاماسىز ەتۋ شارالارىن كۇشەيتۋدىڭ ارقاسىندا قىلمىستار ازايعان. وعان بەينەباقىلاۋ جۇيەلەرىن جەتىلدىرۋ شارالارى دا وڭ ىقپال ەتكەن. بەينەباقىلاۋ كامەرالارىنىڭ كومەگىمەن 3 مىڭنان استام قىلمىس اشىلىپ, 28 مىڭعا جۋىق بۇزۋشىلىق انىقتالعان.
دەپارتامەنت باستىعى باستى باعىتتاردىڭ ءبىرى ەسىرتكى بيزنەسىمەن بارىنشا كۇرەس ەكەنىن اتاپ ءوتتى. سوڭعى ەكى جىلدا ەلوردادا جاسىرىن تۇردە سينتەتيكالىق ەسىرتكىنى دايىنداۋمەن اينالىساتىن 7 ەسىرتكى زەرتحاناسىنىڭ قىزمەتى توقتاتىلدى, 200-گە جۋىق جارناما جاساۋ الاڭدارى جويىلدى. زاڭسىز اينالىمنان 350 كەلى بولاتىن ءتۇرلى ەسىرتكى زاتتارى, سونىڭ ىشىندە 50-دەن استام سينتەتيكالىق ەسىرتكى تاركىلەندى.
مارات تولەباەۆ ينتەرنەت- الاياقتىق ماسەلەسى وتە وزەكتى پروبلەما بولىپ وتىرعانىن, الدانىپ قالۋدىڭ نەگىزگى سەبەپتەرىنىڭ ءبىرى تۇرعىنداردىڭ تسيفرلىق ساۋاتتىلىعىنىڭ تومەندىگى ەكەنىن اتاپ ءوتتى. ونىڭ سوزىنشە, قابىلدانعان شارالاردىڭ ارقاسىندا وتكەن جىلى 233 ادام جانە 4 توپ ۇستالىپ, قۇقىققا قايشى ارەكەت جاساعان 210 ينتەرنەت-رەسۋرس بۇعاتتاۋعا جولدانعان, ال ونىڭ 85-ءى بۇعاتتالعان.
مارات تولەباەۆ وقۋ مەكەمەلەرىندەگى بالالار قاۋىپسىزدىگى ماسەلەسىنە ەرەكشە كوڭىل بولىنەتىنىن, مەملەكەتتىك مەكەمەلەردىڭ, بالاباقشالاردىڭ جانە كوللەدجدەردىڭ بەينەكامەرالارى مەن دابىل باتىرمالارى 100% جەدەل باسقارۋ ورتالىعىنا قوسىلعانىن اتاپ ءوتتى. وتكەن جىلدىڭ شىلدە ايىنان بەرى تۇرمىستىق زورلىق-زومبىلىق ءۇشىن اكىمشىلىك جانە قىلمىستىق جاۋاپكەرشىلىكتىڭ كۇشەيتىلگەنىن جەتكىزدى.
قازىر تۇرمىستىق قۇقىقبۇزۋشىلىقتاردى تىركەۋ فورماسى ءسال وزگەرىپ, ناقتى تۇسكەن ارىزداردى عانا ەمەس, جاسالعان قىلمىستاردى انىقتاۋعا دەن قويىلدى. ماسەلەن, بۇگىندە جانجال شىعارۋشىنى جابىرلەنۋشىنىڭ ارىزىنسىز جاۋاپكەرشىلىككە تارتۋعا بولادى, تاراپتاردىڭ قايتا تاتۋلاسۋىن بولدىرمايتىن تەتىك تە قوسىلدى. استانالىق پوليتسەيلەر ۇساق قۇقىق بۇزۋشىلىقتاردىڭ الدىن الۋ جانە «مۇلدەم توزبەۋ» اتموسفەراسىن قالىپتاستىرۋ بويىنشا جۇمىستاردى دا نازاردان تىس قالدىرمايدى.
استانالىق پوليتسەيلەر ءبىر جىل ىشىندە ءبىر ميلليوننان استام اكىمشىلىك قۇقىق بۇزۋشىلىقتى, تىنىشتىقتى بۇزۋدىڭ 18 مىڭنان استام فاكتىسىن انىقتاعان.
ۆەدومستۆونىڭ باسشىسى جول ءجۇرۋ جاعدايىنا جەكە توقتالىپ ءوتتى. وسى جىلدىڭ اقپان ايىنان بەرى قالا جولدارىندا «Erkin Patrol» ءموبيلدى اپپاراتتىق-پروگراممالىق كەشەنىمەن جابدىقتالعان ەكيپاج پاترۋل جاسايدى. بۇل كەشەن اۆتوكولىكتىڭ جىلدامدىق رەجيمىن بۇزۋ فاكتىلەرىن تىركەپ, 360 گرادۋستى پانورامالىق باقىلاۋ ارقىلى ىزدەۋدە جۇرگەن كولىك قۇرالىن انىقتايدى. بۇگىنگى كۇنى ونىڭ كومەگىمەن جول قوزعالىسى ەرەجەلەرى بۇزىلعانىنىڭ 3501 فاكتىسى انىقتالعان. وسى جىلدىڭ باسىنان بەرى جۇرگىزۋشىلەر پوليتسيانى جانە ساقتاندىرۋ كومپانياسىن شاقىرماستان جول-كولىك وقيعاسىن «ەۋروحاتتاما» بويىنشا ونلاين تىركەي الادى. الايدا قابىلدانىپ جاتقان شارالارعا قاراماستان جول-كولىك وقيعالارى 19,8%-عا, جاراقات العاندار 20,9%-عا, قايتىس بولعاندار 25%-عا وسكەن.
دەپارتامەنت باستىعى ءسوزىن اياقتاي كەلە, ازاماتتار قويعان بارلىق سۇراقتارعا جاۋاپ بەرىپ, ۇسىنىستارىن تىڭدادى. الەۋمەتتىك جەلىلەردەگى رەسمي پاراقشاعا كەلىپ تۇسكەن ساۋالدارعا دا جاۋاپ بەردى. شەتكى ايماق تۇرعىندارى جول قاۋىپسىزدىگى, بەينەباقىلاۋ كامەرالارى مەن قوسىمشا باعدارشامداردى ورناتۋ, تىنىشتىقتى بۇزۋ, ۋچاسكەلىك پوليتسيا ينسپەكتورلارىنىڭ جەتىسپەۋشىلىگى ماسەلەسىنە قاتىستى سۇراقتار قويدى. ۋچاسكەلىك پوليتسيا ينسپەكتورلارىنىڭ جۇمىسىنا قاتىستى العىستارىن ايتقان تۇرعىندار دا از بولمادى.
