ەلىمىزدىڭ باستى مەرەكەسى قارساڭىندا 22 جىلدىق ەڭبەگىم باعالانىپ, «تاۋەلسىزدىككە 30 جىل» توسبەلگىسىمەن ماراپاتتالدىم. بۇل – مەن ءۇشىن ۇلكەن ماقتانىش, ءارى ارتىلعان سەنىم.
ەلورداعا سوناۋ 1986 جىلدارى كەلىپ, وسىندا وقۋعا ءتۇسىپ, ەڭبەك جولىمدى ءبىر جەردە باستاپ, سول جەردە تۇراقتى جالعاستىرىپ كەلە جاتقان دارىگەرمىن. 2021 جىل بالالارعا وڭاي تيمەدى. سەبەبى كوروناۆيرۋس ولاردى دا اينالىپ وتكەن جوق. اۋىرعان بالالار بولدى, بىراق ولار ۋاقىتىندا ەمدەلىپ شىقتى. اسقىنۋعا جول بەرگەن جوقپىز. ءبىزدىڭ ەمحانا ەسكى ۆوكزال جاقتاعى اۋدانداردى قامتيدى. بىزگە قاراستى اۋماقتا دەرتتى جۇقتىرىپ ۇيدە ەمدەلگەندەر دە, ستاتسيوناردا جاتىپ ەمدەلگەن بالالار دا بولدى. شامامەن 100 شاقتى بالا جۇقتىردى, شىلدە, تامىز ايلارىندا كوپ انىقتالدى. سونىڭ ىشىندە 10 شاقتىسى عانا اۋرۋحانادا جاتىپ ەم الدى. بالالاردىڭ بويىندا دا اۋرۋ بەلگىلەرى – قىزۋ, السىزدىك, جوتەل. قىزۋ تۇسپەي قويعان جاعدايدا ستاتسيوناردا جاتۋىنا تۋرا كەلەدى. بىراق بالالار ەرەسەكتەرگە قاراعاندا وتە تەز جازىلادى. قاراماعىمىزدا 6 مەملەكەتتىك, 2 جەكە مەكتەپ بار. سولاردىڭ ىشىندە 12-17 جاس ارالىعىندا 500-دەي بالاعا كوروناۆيرۋسقا قارسى ەكپەنى اتا-انالارىنىڭ رۇقساتىمەن سالدىق. بالالار اراسىندا ۆاكتسيناتسيانى قاراشانىڭ 18-دە باستاعانبىز, سوندىقتان قازىر ەكىنشى كومپونەنتىن سالدىراتىن ۋاقىت دا بولىپ قالدى. باسىندا قارسى بولعان اتا-انالار قازىر ءبارىن ءتۇسىنىپ, بالالارىن ەكپە سالدىرۋعا الىپ كەلىپ جاتىر. مەن ءوزىم دە 14 جاستاعى قىزىما ەكپە سالدىردىم. سەبەبى ونى وسىلاي عانا قاۋىپتى دەرتتەن قورعاۋعا بولاتىنىن بىلەمىن. الداعى جىلدان كۇتەر ءۇمىت كوپ. پاندەميا تەزىرەك اياقتالىپ, قالىپتى ومىرگە قايتا ورالامىز دەپ سەنەمىن. ول ءۇشىن ەل بولىپ, ءبارىمىز ۇجىمدىق يممۋنيتەت قالىپتاستىرۋعا اتسالىسۋىمىز كەرەك. بارشا ەلوردالىقتاردى ەكپەدەن قورىقپاي, وزدەرىن قورعاۋ ارقىلى وزگەلەرگە دە جاقسىلىق جاساۋعا شاقىرامىن.
التىنگۇل ءجۇرسىنوۆا,
№2 قالالىق ەمحانا بالالار
بولىمشەسىنىڭ مەڭگەرۋشىسى
