ەلوردا تۇرعىندارىنىڭ 33 پايىزدان استامى سپورتپەن تۇراقتى تۇردە اينالىسادى. 2021 جىلدىڭ قورىتىندىسى بويىنشا قالادا دەنە شىنىقتىرۋ جانە سپورتپەن جۇيەلى تۇردە اينالىساتىن 406 552 ادام قامتىلدى. بۇل تۇرعىنداردىڭ جالپى سانىنىڭ 33,08%-ىن قۇرايدى.
نۇر-سۇلتان قالاسىندا 1016 سپورت نىسانى بار, ونىڭ ىشىندە: دەنە شىنىقتىرۋ جانە سپورت نىساندارى – 804, وقۋ ورىندارى – 215, سپورت مەكتەپتەرى – 9 (ونىڭ ىشىندە جەكە – 352). مۇندا كۇنىنە 7000 مىڭنان استام ادام اينالىساتىن 32-گە جۋىق ءىرى سپورت نىسانى بار.
«كوكتال-2», «ءوندىرىس», «ۇركەر» جانە «تەمىرجولشىلار» ەلدى مەكەندەرىندە ءتورت دەنە شىنىقتىرۋ-ساۋىقتىرۋ كەشەنىنىڭ قۇرىلىسى ءجۇرىپ جاتىر. ونىڭ ەكەۋى, ياعني, «كوكتال-2» مەن «ءوندىرىس» ەلدى مەكەندەرىندە قازىر وقۋ-جاتتىعۋ جيىندارى ءوتىپ جاتىر. «ۇركەر» مەن «تەمىرجولشىلار» سپورت كەشەنىنىڭ قۇرىلىسىن اياقتاۋ 2022 جىلدىڭ سوڭىنا جوسپارلانعان.
