ءبىلىم بەرۋ, وقىتۋ – جاۋاپسىزدىق پەن قاتەلىكتى كوتەرمەيتىن نازىك جۇيە. ول – ادام تاعدىرى. وقىتۋ, ءبىلىم بەرۋ – ۇنەمى مۇعالىمنىڭ ىزدەنىسىن, شىعارماشىلىق شىڭدالۋىن تالاپ ەتەتىن كۇردەلى ءۇردىس. بۇل دەگەنىمىز ءبىلىم بەرۋدى, تاربيلەۋ ءۇردىسىنىڭ وزگەرۋىن تالاپ ەتەدى. «ءبىلىمدى ۇلت» ساپالى ءبىلىم بەرۋ» ۇلتتىق جوباسىنىڭ نەگىزگى مىندەتتەرىنىڭ ءبىرى – ورتا ءبىلىم بەرۋ ساپاسىن ارتتىرۋ. پەداگوگيكاداعى جاڭاشىل باعىتتى قولدايتىن جاس ماماندار قاجەت ەكەندىگى تۇسىنىكتى.
– «ءبىزدىڭ ماقسات – ۇلتتىق قۇندىلىقتارمەن قانىققان, جاۋاپتى, ەڭبەكقور, بەلسەندى, وتانشىل جانە وزىندىك ازاماتتىق ۇستانىمعا يە ۇرپاقتى تاربيەلەۋ» دەپ ءوز بايانداماسىندا ىبىراي التىنسارين اتىنداعى ۇلتتىق ءبىلىم اكادەمياسىنىڭ ۆيتسە-پرەزيدەنتى ءاليا چوكۋشەۆا.
«XXI عاسىر – جىلدام وزگەرىستەر عاسىرى. جاڭارۋ, وزگەرۋدى كۇندەلىكتى ومىردەن كورىپ جۇرسىزدەر» دەگەن ەدى قر وقۋ-اعارتۋ ءمينيسترى ع.بەيسەمباەۆ ءوز سوزىندە. ادام تاربيەسى, تۇلعانى قالىپتاستىرۋ ءىسى دە ءبىر ورنىندا تۇرمايدى, ۇنەمى ىزدەنىس, جەتىلدىرۋ ۇستىندە. بارلىق پەداگوگتار بولاشاق عاسىردىڭ تۇلعاسىن قالىپتاستىرۋدا وعان قاجەتتى داعدىلاردى قالىپتاستىرۋعا قىزمەت ەتۋ – كەز كەلگەن مۇعالىمنىڭ, ۇستازدىڭ باستى مىندەتى, ماقساتى بولۋى كەرەك.
ەلوردادا قانداي مامان جەتىسپەيدى؟
«جالپى قالا مەكتەپتەرىندە قانداي ماماندار تاپشى, قانداي ماماندارعا سۇرانىس جوعارى؟» دەگەن ساۋالدارىمىزعا استانا قالاسى ءبىلىم باسقارماسى بىلاي جاۋاپ بەردى:
ۇلتتىق ءبىلىم بەرۋ دەرەكقورىنىڭ سوڭعى ءمالىمەتتەرى بويىنشا پەداگوگتاردىڭ قاجەتتىلىگى 40 پەداگوگتى قۇرايدى. ونىڭ ىشىندە قالا مەكتەپتەرىندە اعىلشىن تىلىنەن ساباق بەرەتىن پەداگوگ – 1, ينفورماتيكادان – 6, تاريح پانىنەن – 2, قازاق ءتىلى بويىنشا – 1, ماتەماتيكادان ءدارىس بەرەتىن – 10 مۇعالىم, باستاۋىش سىنىپقا ساباق بەرەتىن (ورىس تىلىندە) – 6 پەداگوگ, ورىس تىلىنەن – 2 مامان, فيزيكادان – 4, حيميا پانىنەن – 2 مۇعالىم, كوركەم ەڭبەكتەن – 3 مۇعالىمگە ءزارۋ. سونداي-اق ورىس تىلىندەگى باستاۋىش سىنىپ, ماتەماتيكا ماماندارى دا تاپشى.
مەكتەپكە قاجەت ماماندارى جۇمىسقا شاقىرۋ ءۇشىن ءبىلىم باسقارماسى قانداي ءىس-شارالار قابىلدايدى؟
پەداگوگتاردى جۇمىسقا قابىلداۋ بويىنشا:
پەداگوگيكالىق ماماندىقتار بويىنشا مەملەكەتتىك ءبىلىم بەرۋ تاپسىرىسى ارقىلى (استانا قالاسى اكىمىنىڭ گرانتى (2022 جىلى – 1050);
ىشكى جانە سىرتقى كوشى-قون ەسەبىنەن;
بوس ورىندار جارمەڭكەسىنە قاتىسۋ ەسەبىنەن;
2000-عا جۋىق تەحنيكالىق جانە كاسىپتىك ءبىلىم بەرۋ تۇلەكتەرى ارقىلى مەكتەپتەر ءزارۋ ماماندار ماسەلەسىن شەشىلۋدە.
قانداي تالاپ قويىلادى؟
وسىلايشا, مەملەكەت باسشىسىنىڭ تاپسىرماسى بويىنشا مەملەكەتتىك باعدارلامالاردان ۇلتتىق جوبالار فورماتىنا كوشۋ جۇزەگە اسىرىلۋدا. «ءبىلىمدى ۇلت» ساپالى ءبىلىم بەرۋ» ۇلتتىق جوباسىندا جەدەل شەشىمدەردى تالاپ ەتەتىن جانە حالىقتىڭ قاجەتتىلىگىن قامتاماسىز ەتۋگە باعىتتالعان ماسەلەلەر بويىنشا مەملەكەتتىك باعدارلامامەن ساباقتاستىق ساقتالعان.
قازىرگى ۋاقىتتا وقۋشى بويىنا ماڭىزىن جوعالتىپ بارا جاتقان جالپىادامزاتتىق قۇندىلىقتاردى ءىس-ارەكەت ياعني ءوزىمىز ۇلگى بولۋ ارقىلى, سىڭىرە وتىرىپ, ساباعىمىزدى مازمۇندى ەتۋ ارقىلى, ومىرلەرىنە ازىق بولاتىنداي ەتىپ, جان-جاقتى دامىعان تۇلعا قالىپتاستىرۋ مۇعالىمنىڭ باستى ماقساتى بولۋى كەرەك. ءبىزدىڭ ماقسات – ۇلتتىق قۇندىلىقتارمەن قانىققان, جاۋاپتى, ەڭبەكقور, بەلسەندى, وتانشىل جانە وزىندىك ازاماتتىق ۇستانىمعا يە ۇرپاقتى تاربيەلەۋ. بارلىق پەداگوگتار بولاشاق عاسىردىڭ تۇلعاسىن قالىپتاستىرۋدا وعان قاجەتتى داعدىلاردى قالىپتاستىرۋعا قىزمەت ەتۋ – كەز كەلگەن مۇعالىمنىڭ, ۇستازدىڭ باستى مىندەتى, ماقساتى بولۋى كەرەك.
