باستى اقپاراتساياسات
مەملەكەت باسشىسى فرانتسيا پرەزيدەنتى فرانسۋا وللاندقا نيتستسادا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى
جەدەلحاتتا قازاقستان پرەزيدەنتى 14 شىلدەدە نيتستسا قالاسىندا بولعان تەررورلىق اكت سالدارىنان كوپتەگەن جازىقسىز ادامنىڭ قازا بولعانى جانە زارداپ شەككەنى تۋرالى حاباردى زور كۇيزەلىسپەن قابىلداعانى اتاپ وتىلگەن.
«قازاقستان تەرروريزمنىڭ كەز كەلگەن ءتۇرىن قاتاڭ ايىپتايدى, قانداي ماقساتتا بولسا دا جازىقسىز قان توگۋدى اقتاۋعا بولمايدى دەپ سانايدى», – دەلىنگەن جەدەلحاتتا.
نۇرسۇلتان نازارباەۆ قايعىعا ورتاقتاسا وتىرىپ, بارشا قازاقستاندىقتاردىڭ جانە جەكە ءوزىنىڭ اتىنان ف.وللاندقا, قازا بولعانداردىڭ وتباسىلارىنا جانە جاقىندارىنا كوڭىل ايتتى.
ەلباسى زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
akorda.kz