م.اۋەزوۆ اتىنداعى قالالىق ورتالىق كىتاپحانادا قر مەملەكەتتىك رامىزدەر كۇنىنە ارنالعان «رامىزدەر –تاۋەلسىزدىك بەلگىسى» اتتى شارا ءوتتى. وعان كىتاپحانا وقىرماندارى مەن ەۋرازيا گۋمانيتارلىق كوللەدجىنىڭ ستۋدەنتتەرى قاتىستى.
اتالمىش شارادا پاتريوتتىق باعىتتاعى اندەر شىرقالىپ, ولەڭدەر وقىلدى.
«ەل رامىزدەرى – تاۋەلسىزدىك ايعاعى» كىتاپ جانە مەرزىمدى ءباسپاسوز كورمەسى ارقىلى وقىرماندار مەملەكەتتىك رامىزدەر تاريحىمەن, ولاردىڭ اۆتورلارىمەن تانىستى. شارانىڭ قورىتىندىسىندا قاتىسۋشىلارعا شاعىن ساۋالناما ۇيىمداستىرىلدى.
«شارانىڭ اتاۋىن «رامىزدەر – ءتاۋەلسىزدىك بەلگىسى» دەپ قويدىق. بيىل مەملەكەتتىك رامىزدەرىمىزگە 25 جىل تولدى. بۇل – ۇلكەن مەرەكە. ارقايسىمىز رامىزدەردى قۇرمەتتەپ, قاستەرلەۋىمىز كەرەك. وسكەلەڭ ۇرپاقتىڭ بويىنا دا ونىڭ ءدانىن سەبۋگە ءتيىستىمىز. وسى شارانىڭ باستى ماقساتى دا سول, سەبەبى رامىزىنە دەگەن ماحابباتى جوق ادامنىڭ تۋعان وتانىنا دا ماحابباتى بولمايدى» دەيدى كىتاپحانا قىزمەتكەرى شىنار ۇستەنبەكوۆا.
