استاناداعى جاستار تەاترى جاڭا ماۋسىمىنىڭ شىمىلدىعى 2 قازان كۇنى تۇرىلەدى. مەرەيتولىق ح ماۋسىمدى ونەر ۇجىمى ش.ايتماتوۆ پەن ءا.كەكىلباەۆتىڭ «شىڭعىسحان» افساناسىمەن اشادى.
قويىلىمنىڭ رەجيسسەرى – قازاقستاننىڭ ەڭبەك سىڭىرگەن قايراتكەرى, تەاتردىڭ كوركەمدىك جەتەكشىسى ءارى باس رەجيسسەرى نۇرقانات جاقىپباي.
2007 جىلى ەڭسەلى ەلوردامىزدا بوي كوتەرگەن جاستار تەاترى ءدال وسى قويىلىممەن ونەر الەمىنە قادام باستاعان بولاتىن. ال ارادا ءۇش جىل وتكەندە اتالمىش قويىلىممەن ءىىى حالىقارالىق ورتالىق ازيا ەلدەرىنىڭ تەاترلار فەستيۆالىنە قاتىسىپ, «ۇزدىك رەجيسسەر» جانە «شىڭعىسحاننىڭ ۇزدىك ءرولى» اتالىمدارىندا جۇلدەگە لايىق دەپ تانىلدى.
جارتى الەمدى جاۋلاعان جاھان ءامىرشىسى نەندەي كۇشتىڭ الدىندا دارمەنسىزدىك تانىتتى؟ سوڭعى دەمى ۇزىلگەنشە اينالاسىن قاھارىمەن قالتىراتىپ كەلگەن ۇلى قاعاننىڭ اجالى نازىك ايەلدەن بولدى دەسە, سەنەر مە ەدىڭىز؟ ماڭدايعا جازىلعان تاعدىردان پەندە بىتكەننىڭ قاشىپ قۇتىلۋى مۇمكىن بە؟ شىڭعىسحاننىڭ تىلسىمعا تولى تالايلى تاعدىرىن وقيعا وزەگىنە اينالدىرعان قويىلىم وسىنداي ساۋالدارعا جاۋاپ ىزدەيدى. ءومىر مەن ءولىم, ءناپسى مەن سابىر, اقيقات پەن اڭىز اراسىنداعى ادام بالاسى ءتۇسىنىپ بولماس تىلسىم سىرلار كورەرمەندى بەيجاي قالدىرماسى انىق.
جاستار تەاترى مەن استاناداعى م.گوركي اتىنداعى مەملەكەتتىك اكادەميالىق ورىس دراما تەاترى تاۋەلسىز مەملەكەتتەر دوستاستىعىنىڭ 25 جىلدىعىنا وراي بەلارۋس رەسپۋبليكاسىنىڭ برەست قالاسىندا وتەتىن «بەلايا ۆەجا» ءححى حالىقارالىق
تەاترلار فەستيۆالىنە جولداما العاندىعىن دا ايتا كەتەيىك. جاستارلىقتار بۇل فەستيۆال كورەرمەندەرى مەن قازىلار القاسىنىڭ نازارىنا وسى «شىڭعىسحان» ءافساناسىن شىعارماق. ال گوركيلىكتەر «يازىچنيكي» دراماسىمەن سۋسىنداتپاق. «بەلايا ۆەجا» فەستيۆالى 9-16 قىركۇيەك ارالىعىندا وتەدى.
امانعالي قالجانوۆ
