ەلوردادا Nur Otan پارتياسى اتىنان ءماسليحات دەپۋتاتتىعىنا ۇمىتكەرلەر پاراليمپيادالىق جاتتىقتىرۋ ورتالىعىندا مۇمكىندىگى شەكتەۋلى سپورتشىلارمەن جۇزدەستى. ناسيحات جۇمىستارى اياسىندا ۇيىمداستىرىلعان كەزدەسۋدە نۇروتاندىقتار اتالمىش سالاداعى تۇيتكىلدى ماسەلەلەردى تالقىلاپ, شەشىمىن تابۋعا ۋادە بەردى.
جيىنعا قاتىسقان Nur Otan پارتياسى قالالىق فيليالى توراعاسىنىڭ ورىنباسارى ۆلاديسلاۆ سەرگەەۆ, «قازاقستان فۋتبول فەدەراتسياسى» باس حاتشىسى ازامات ايتحوجين, «اقمولا قۇرىلىس ماتەريالدارى» جشس باقىلاۋ كەڭەسىنىڭ توراعاسى باۋىرجان سمايلوۆ سپورتشىلاردى كولىكپەن قامتاماسىز ەتۋ جانە سپورتتىق جابدىقتاردىڭ قولجەتىمدى بولۋىنا جاعداي جاساۋ جايىنا توقتالدى.
– قازاقستاندا جاسالاتىن اياققا ارنالعان پروتەزدەر ساپاسى ناشار. ءبىر جىلعا جەتپەي سىنىپ كەتەدى. گەرمانيا, جاپونيا, امەريكادا وندىرىلەتىن پروتەزدەرمەن جۇگىرۋگە بولادى. ال بىزدە ونداي اتىمەن جوق. قازىر سپورتشىلارىمىز وتاندىق پروتەزدەردى قولدانادى. ولار دا دالادا سەرۋەندەپ, جۇرت قاتارلى جۇرگىسى كەلەدى. ال وعان اياعىنداعى پروتەزى شىدامايدى. سوندىقتان ساپاسىنىڭ ناشارلىعى سپورتشىلارىمىزدىڭ مۇمكىندىگىن شەكتەپ وتىر, – دەدى وتىرىپ ويناۋ ۆولەيبولىنان قازاقستان قۇراما كومانداسىنىڭ باس جاتتىقتىرۋشىسى باۋىرجان تاحاۋوۆ.
– اياق-قول پروتەزدەرىنىڭ ساپاسىن ايتىپ جاتىر. ءيا, دامىعان ەلدەردە شىعارىلىپ جاتقان پروتەزدەر ساپاسى جوعارى. مەنىڭ ويىمشا, پروتەز وندىرەتىن 3 زاۋىت ەلىمىزگە ازدىق ەتەدى. زاۋىتتار سانىن ارتتىرۋ قاجەت, سوندا عانا ءوزارا باسەكە پايدا بولادى ءارى ونىمدەرىنىڭ ساپاسى جوعارىلايدى. بۇل دا ەسكەرىلەتىن دۇنيە. قالامىزدا پاراليمپيادالىق سپورت كەشەندەرى كوبىرەك سالىنۋى قاجەت. سەبەبى سپورتشىلارىمىز مۇمكىندىگى شەكتەۋلى ەكەنىن سەزبەۋى كەرەك. سول ءۇشىن ولارعا ارنايى تىنىعاتىن, ۋاقىتتى ءتيىمدى وتكىزۋگە ارنالعان ورتالىقتار سالۋىمىز ءتيىس. قوعامنىڭ تولىققاندى مۇشەسى رەتىندە جۇمىس ىستەپ, سپورتپەن شۇعىلدانۋى قاجەت. سوندا عانا ولاردىڭ جاعدايى جاقسارادى, – دەدى «اقمولا قۇرىلىس ماتەريالدارى» جشس باقىلاۋ كەڭەسىنىڭ توراعاسى باۋىرجان سمايلوۆ.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.