ەلوردادا العاش رەت تۇركيا, ازەربايجان جانە ەلىمىزدىڭ ءار وڭىرىنەن كەلگەن زاعيپ بالالارعا ارنالعان «شەكارانى كەڭەيتىپ – الەمدى اشامىز» اتتى حالىقارالىق فەستيۆال ءوتتى.
ايتۋلى شارانىڭ ماقساتى: ەرەكشە بالالارعا قارىم-قاتىناس ءۇشىن جاعداي جاساۋ, دوستىقتى نىعايتۋ جانە ولاردىڭ شىعارماشىلىعىن ۇشتاۋدى كوزدەيدى.
فەستيۆال اياسىندا ەلىمىزدىڭ باس مۋزەيىندە جەتكىنشەكتەرگە «ۇلتتىق ويۋ-ورنەك ونەرى» اتتى ءدارىس پەن «كيىزدەن سۋرەت سالۋ جانە كيىز باسۋ» دەگەن شەبەرلىك ساباعى وتكىزىلدى. بۇل ساباق بالالارعا قاتتى ۇنادى. ولار جاساندى كيىزدەن جاسالعان ويۋ-ورنەك تۇرلەرىنىڭ كومەگىمەن ءار ويۋ-ورنەكتى قولمەن ۇستاپ كوردى. جانە دىمقىل بالقىتۋ تەحنيكاسىن قولدانا وتىرىپ, قوي جۇنىنەن ۇلتتىق ويۋ-ورنەكتەر بەينەلەنگەن ادەمى سۋرەت جاسادى.
ساباقتان كەيىن بالالارعا وزدەرى ورنەك سالىپ, كيىزدەن جاساعان كىلەمشەلەرى سىيعا بەرىلدى.
