قالا اكىمى ا.كولگىنوۆ تۇرعىن ءۇي كەشەندەرىنىڭ قۇرىلىس بارىسىمەن تانىستى.
تىلەنديەۆ داڭعىلى مەن جوبالىق اتاۋى C302 كوشە قيىلىسىندا ورنالاسقان تۇرعىن ءۇي كەشەنىندە 419 پاتەر بار. ساتىپ الۋ قۇقىعىنسىز جالعا بەرىلەتىن تۇرعىن ءۇي حالىقتىڭ الەۋمەتتىك وسال توپتارىنا ارنالعان. اعىمداعى جىلدىڭ سوڭىنا دەيىن پايدالانۋعا بەرۋ جوسپارلانۋدا.
سونداي-اق قالا اكىمى ن.تىلەنديەۆ داڭعىلى بويىندا قۇرىلىسى ءجۇرىپ جاتقان تۇرعىن ءۇي كەشەنىنە باردى. بۇل تۇرعىن ءۇي كەشەنىنەن 530 ادام پاتەر الادى. جالعا بەرىلەتىن تۇرعىن ءۇي حالىقتىڭ الەۋمەتتىك وسال توپتارىنا دا بەرىلەدى. تاپسىرۋ مەرزىمى – 2020 جىل. ا.كولگىنوۆ عيماراتقا بارلىق ينجەنەرلىك جەلىلەر جۇرگىزىلىپ, اۋماعى اباتتاندىرىلعاندا عانا, ياعني تولىعىمەن دايىن بولعان كەزدە عانا ءۇيدى پايدالانۋعا بەرۋ قاجەتتىگىن باسا ايتتى.
جالپى, 2019 جىلدىڭ قورىتىندىسى بويىنشا بيۋدجەت قاراجاتى ەسەبىنەن 2400 پاتەر تاپسىرىلعان. ال كەلەسى جىلى تۇرعىن ءۇي كولەمى 3 ەسەگە ارتاتىن بولادى.
