كورەرمەننىڭ جىلى ىقىلاسىنا بولەنگەن «اناعا اپارار جول» ءفيلمى بىرىككەن ۇلتتار ۇيىمىندا وتكەن WeLink كينوفەستيۆالىندە جوعارى باعالاندى, دەپ حابارلادى 24 حابار ارناسى. وعان الەمنىڭ تۇكپىر-تۇكپىرىنەن 100-دەن استام كينو ماماندارى قاتىسقان.
اتالعان تەلەارنانىڭ مالىمەتىنە جۇگىنسەك, وتاندىق تۋىندى «ءومىر جەتىستىگى» نوميناتسياسىنداعى «ۇزدىك كوركەم فيلم» جۇلدەسىن جەڭىپ العان. انانىڭ بالاعا دەگەن ماحابباتى, تۋعان جەرگە دەگەن ادالدىعى نيۋ-يورك تۇرعىندارىن شىنايى تەبىرەندىرگەن. كينوفەستيۆالگە ءتۇرلى جانردا كينو ءتۇسىرىپ جۇرگەن اقش, قىتاي, وڭتۇستىك كورەيا, سۋدان, تايلاند جانە جاپونيا سىندى ەلدەردىڭ وكىلدەرى كەلگەن. شارانىڭ ماقساتى – كينو سالاسىنداعى مامانداردىڭ باسىن قوسىپ, تاجىريبە الماسۋ, حالىقارالىق بىرلەسكەن جوبالار جاساۋعا مۇمكىندىك بەرۋ. ايتا كەتەيىك, «اناعا اپارار جول» تاريحي دراماسىنىڭ باس پروديۋسەرى – ءاليا نازارباەۆا, ال رەجيسسەرى – اقان ساتاەۆ. بۇل فيلم يسپانيا, رەسەي جانە حورۆاتيادا وتكەن كينوفەستيۆالداردا جوعارى ماراپاتتارعا يە بولعان.
ازامات ەسەنجول
