ەلوردانىڭ نوماد تەاترىنىڭ ءىى ماۋسىمى م.ماقاتاەۆتىڭ «قوش, ماحاببات» مەلودراماسىمەن اشىلىپ, ۋ.شەكسپيردىڭ «ريچارد ءىىى» تراگەدياسىمەن جالعاستى.
اقيىق اقىننىڭ دراماسى نەگىزىندەگى سپەكتاكلدى قازاقستاننىڭ ەڭبەك سىڭىرگەن قايراتكەرى سايلاۋ قاميەۆ ساحنالادى. شىعارما جەلىسى بولاشاق كومپوزيتور باعدات (ايان تومانوۆ) پەن جاس مۇعالىم بانۋ (گاۋھار جەڭىسوۆا) ارقىلى ءوربيدى. جاستاردىڭ كىرشىكسىز ماحابباتىنا ءبارى قىزىعىپ قارايدى. الايدا اراعا اسان ء(الي جاراسۇلى) كىرەدى. بانۋدىڭ تاڭداۋى مەن تاعدىردىڭ جازۋى بىردەي بولا ما؟ سپەكتاكلدىڭ باسىنان سوڭىنا دەيىن كورەرمەندى وسى وي مازالايدى.
ايبار ء(الي بيداحمەت) ەسىمدى اقىننىڭ ولەڭدەرمەن ورىلەتىن قويىلىم, تولەگەن مۇحامەدجانوۆ, بولات ەسمۇحانوۆ, تابىلدى دوسىموۆ, گۇلنار داۋكەنوۆا, لەنا ابدىحالىقوۆا سىندى بەلگىلى كومپوزيتورلاردىڭ مۇقاعاليدىڭ ولەڭدەرىنە جازعان اندەرىمەن ادەمى ۇيلەسىپ وتىرادى.
ال «ريچارد ءىىى» تراگەدياسىن تالانتتى جاس رەجيسسەر فارحات مولداعالي قويىپ, باس كەيىپكەر بەينەسىنە باسقا قىرىنان كەلگەن. بيلىك جولىندا تۋعان باۋىرىنىڭ دا جانىن العان, ءوزى بيلىك ەتكەن كەزەڭدە ەڭ قاتىگەز پاتشا اتانعان قانىشەر ريچاردتىڭ وسىنشالىق جاۋىز بولۋىنا نە سەبەپ بولدى؟
رەجيسسەر ونىڭ باۋىرلارىنا, اينالاسىنداعى ادامدارعا دەگەن قارىم-قاتىناسىنا جاڭاشا كوزقاراسپەن قارايدى. ريچاردتىڭ جان دۇنيەسىنە تەرەڭىرەك ءۇڭىلىپ, ول جايلى بۇرىنعى قالىپتاسقان ويدى وزگەرتۋگە تىرىسادى. 
قورىتا ايتقاندا, بۇل سپەكتاكلدەردى كورۋ كەرەك. بىلتىر عانا اشىلعان تەاتردىڭ ۇلكەن تابىستارى دا ءالى الدا. ال اياق الىسى جامان ەمەس. تاياۋدا عانا سەمەي قالاسىندا وتكەن قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, اسا كورنەكتى
تەاتر جانە كينو اكتريساسى ءامينا ومىرزاقوۆانىڭ
100 جىلدىعىنا ارنالعان قازاقستان دراما تەاترلارىنىڭ ححVII رەسپۋبليكالىق فەستيۆالىنە «تەاتر 180°» كومەدياسىمەن قاتىسقان نوماد تەاترى «ۇزدىك دەبيۋت» اتالىمىندا توپ جارىپ, اكتريسا گۇلميرا جاكيلينا «ەكىنشى پلانداعى ەڭ ۇزدىك ايەل بەينەسى» اتالىمى بويىنشا ماراپاتتالدى.
