Nur Otan پارتياسى قالالىق اكتيۆىنىڭ جينالىسىندا پارتيانىڭ ەلوردالىق فيليالىنىڭ توراعاسى التاي كولگىنوۆ 25 قاراشادا وتكەن پارتيانىڭ ساياسي كەڭەسىنىڭ كەڭەيتىلگەن وتىرىسىندا ەلباسىنىڭ پارتيا جۇمىسىن جۇيەلى جاڭعىرتۋ تۋرالى تاپسىرماسىن ءتۇسىندىردى.
Nur Otan پارتياسىنىڭ «سەنىم. ديالوگ. بولاشاققا نىق قادام» اتتى پارتيا جۇمىسىن جۇيەلى جاڭعىرتۋ باعدارلاماسى ىسكە قوسىلدى. باسىم باعىتتاردىڭ ءبىرى – «يادرولىق ەلەكتوراتتى» شوعىرلاندىرۋ, پارتياعا جاڭا ەسىمدەردى تارتۋ. سونداي-اق پرايمەريز – پارتياىشىلىك اشىق ىرىكتەۋدى ەنگىزۋ قاجەت. ءاربىر ءماسليحاتتىڭ سايلاۋالدى پارتيالىق تىزىمىنە كەمىندە 30 پايىز ايەل جانە 35 جاسقا دەيىن 20 پايىز جاس ادامدار قوسىلۋى ءتيىس. سونىمەن قاتار تىزىمگە حالىقتىڭ ءتۇرلى ساناتىنىڭ وكىلدەرى, وتانىنا ورالعان قانداستارىمىز, مۇمكىندىگى شەكتەۋلى ادامدار, كاسىپكەرلەر مەن باق وكىلدەرى كىرۋى ءتيىس» دەگەن قالا اكىمى ا.كولگىنوۆ ەلباسىنىڭ پارتيا باسشىلارى مەن مۇشەلەرىنىڭ جاۋاپكەرشىلىگىن جەرگىلىكتى دەڭگەيدە ارتتىرۋعا ەرەكشە نازار اۋدارعاندىعىن ايتتى.
سايلاۋالدى باعدارلامالاردىڭ نەگىزى اۋماقتاردى دامىتۋدىڭ جاڭا بەسجىلدىق باعدارلامالارىنان تۇرۋى ءتيىس. جاۋاپتى تۇلعالار قوعامدىق كەڭىستىك ورىندارىن تۇرعىنداردىڭ پىكىرى مەن وتىنىشتەرىن ەسكەرە وتىرىپ دامىتاتىن بولادى. «ەلباسى نۇرسۇلتان ءابىشۇلى نازارباەۆ بولىنگەن قاراجاتتىڭ جۇمسالۋىنا ناقتى پارتيالىق باقىلاۋدى قامتاماسىز ەتۋدى تاپسىردى. كەلەسى جىلى مەملەكەت باسشىسى قاسىم-جومارت كەمەلۇلى توقاەۆتىڭ قازاقستان حالقىنا جولداۋى اياسىندا بيۋدجەتارالىق قاتىناستار جۇيەسىن رەفورمالاۋ, شاعىن جانە ورتا بيزنەستەن تۇسەتىن قوسىمشا سالىق تۇسىمدەرىن وڭىرلەرگە بەرۋ جانە حالىقتى جەرگىلىكتى بيۋدجەتتەردى قالىپتاستىرۋعا تارتۋ تۋرالى بىرقاتار تاپسىرمالار كۇتىلەدى» دەپ اتاپ ءوتتى ا.كولگىنوۆ. سونداي-اق ا.كولگىنوۆ جاڭا مۇشەلەرگە پارتيالىق بيلەتتەر تابىس ەتىپ, «ۇزدىك باستاۋىش پارتيا ۇيىمى» بايقاۋىنىڭ جەڭىمپازدارىن ماراپاتتادى.
