استانا قالاسى اكىمدىگىنىڭ «نۇرلى جۇرەك» الەۋمەتتىك قىزمەت كورسەتۋ ورتالىعى 3-29 جاس ارالىعىنداعى بالالار مەن جاستارعا ستاتسيونار جانە جارتىلاي ستاتسيونار جاعدايىندا قىزمەت كورسەتەدى.
ورتالىقتىڭ مىندەتى – ەرەكشە قاجەتتىلىكتەرى بار بالالار مەن جاستاردىڭ مۇمكىندىكتەرىن بارىنشا دامىتۋ, ولاردى وڭالتۋ, قورعاۋ جانە قوعامعا كىرىكتىرۋ. قازىرگى ۋاقىتتا ورتالىقتا ءتۇرلى ارۋلارى مەن دەنساۋلىقتا اۋىتقۋشىلىقتارى بار 279 ادامعا, سونىڭ ىشىندە 123-ىنە ستاتسيوناردا جانە 156-سىنا كۇندىزگى بولىمدە ەم جۇرگىزىلۋدە.
«نۇرلى جۇرەك» ارناۋلى الەۋمەتتىك قىزمەتتەردىڭ سەگىز ءتۇرىن كورسەتەدى. بۇل – الەۋمەتتىك-تۇرمىستىق, الەۋمەتتىك-مەديتسينالىق, الەۋمەتتىك-پسيحولوگيالىق, الەۋمەتتىك-ەڭبەك, الەۋمەتتىك-مادەني, الەۋمەتتىك-ەكونوميكالىق, الەۋمەتتىك-قۇقىقتىق جانە الەۋمەتتىك-پەداگوگيكالىق قىزمەتتەر بيۋدجەتتىك نەگىزدە ارناۋلى الەۋمەتتىك قىزمەت كورسەتۋ ستاندارتتارىنا سايكەس, سونداي-اق شارت جاساسۋمەن اقىلى نەگىزدە كورسەتىلەدى.
مەكەمەدە الەۋمەتتىك-پەداگوگيكالىق قىزمەت كورسەتۋ ءۇشىن پانارالىق كوماندا قۇرىلدى. مۇندا بىلىكتى ماماندار جۇمىس ىستەيدى. ورتالىق ءتيىستى قۇرال-جابدىقتارمەن جابدىقتالعان. مۇندا قىزىعۋشىلىق بويىنشا ۇيىرمەلەر اشىلعان. بەيىمدەلگەن دەنە شىنىقتىرۋ جانە سپورت بويىنشا ساباقتار ۇيىمداستىرىلدى. سونىمەن قاتار, قىزمەت الۋشىلار مادەني ءىس-شارالارعا قاتىسادى, تسيرك پەن تەاترلارعا بارادى.
