الماتى اۋدانىنىڭ اكىمى ادىلبەك سارسەمباەۆتىڭ ەسەپتىك كەزدەسۋى №74 مەكتەپ-گيمنازيادا جالعاستى. كەزدەسۋدى قالالىق ءماسليحات حاتشىسى جانات نۇرپەيىسوۆ اشىپ, جۇرگىزىپ وتىردى.
اۋداندا وتكەن جىلى اتقارىلعان, وسى جىلعا جوسپارلانعان جۇمىستار جونىندەگى اكىمنىڭ ەسەبىنەن كەيىن قالانىڭ «وڭتۇستىك-شىعىس» اۋماعىنىڭ وڭ جاعىندا ورنالاسقان كوشەلەردىڭ تۇرعىندارى كوكەيدەگى سۇراقتارىن قويدى.
اقسۇڭقار كوشەسى, 6-ءۇيدىڭ تۇرعىنى گۇلجاھان جامبىلوۆا سۋ مەن كارىز جۇيەلەرىنە بايلانىستى تۋىنداپ جاتقان ماسەلەلەردى جەتكىزدى. ا.بايتۇرسىنوۆ كوشەسى, 41-ءۇيدىڭ اۋماعىنداعى پروبلەما دا سوعان ۇقساس. ياعني كارىز جۇيەسى ءجيى بىتەلىپ, پاركينگتى سۋ باسىپ كەتەدى. الدىنداعى مەكەنجايدا بۇل جۇيەلەردىڭ «استانا سۋ ارناسى» مكم بالانسىنا الىنباعانى انىقتالدى. اۋدان باسشىسى قول استىنداعى قىزمەتكەرلەرگە اتالمىش كومپانيا وكىلدەرىمەن بىرگە كورسەتىلگەن مەكەنجايلارعا بارىپ, جاعدايمەن تانىسۋدى تاپسىردى.
ت.جۇرگەنوۆ, ا98 كوشەلەرىنەن ا.بايتۇرسىنوۆ كوشەسىنە دەيىنگى ارالىق جارىقتاندىرىلىپ, باعدارشام دا ورناتىلعان. الايدا كولىك يەلەرى سونى ەلەمەي, حالىقتى جولدان وتكىزبەي, جۇيتكىپ ءجۇر. بۇل جاعداي ومىرلەرىنە قاۋىپ تۋدىرىپ جاتقانىن جەتكىزگەن تۇرعىن سول ماڭايعا «سەرگەك» بەينەكامەرالارىن ورناتۋدى ءوتىندى. ءا.سارسەمباەۆ قالالىق ينۆەستيتسيالار جانە كاسىپكەرلىكتى دامىتۋ باسقارماسى وكىلىنەن ونىڭ مۇمكىندىگىن سۇرادى. باسقارما وكىلىنىڭ «جاعدايدى قاراستىرامىز» دەگەن جاۋابىنا قاناعاتتانباعان سوڭ: «مىنە, ءوتىنىش ءتۇسىپ جاتىر. ماسەلەنى قاراستىراتىن نەسى بار؟ ءۇش كامەرا ورناتۋ كوپ ۋاقىتتى المايدى. الداعى ەكى ايدا مۇنى شەشىڭىزدەر» دەدى.
ەكىنشى توپ مۇگەدەگى نۇرلان اۋباكىروۆ ا98 كوشەسىندەگى 9/1-ءۇيدىڭ ءبىرىنشى-ەكىنشى قاباتتارى مۇمكىندىگى شەكتەۋلى ادامدارعا ارنالعانىن, سوندا 50-60 شاقتى مۇگەدەك تۇراتىنىن ايتىپ, وسى ۇيدەن وسىنداي تۇرعىندار بوس ۋاقىتتارىن وتكىزەتىن ورىن اشۋدى ۇسىندى.
اۋدان اكىمى بۇل ماسەلەنى جاقىندا تاعايىندالعان اۋداننىڭ ارداگەرلەر كەڭەسىنىڭ جاڭا توراعاسىمەن بىرگە قاراستىراتىنىن ايتتى.
كەزدەسۋدە اۋماقتى اباتتاندىرۋ, بالالاردىڭ ويىن الاڭدارى مەن سپورت الاڭدارىن سالۋ, بانكومات ورناتۋ, №2 بالالار ەمحاناسىنا تىكەلەي اپاراتىن اۆتوبۋس باعدارىن ەنگىزۋ, ك.ازىرباەۆ كوشەسىنەن ر.قوشقارباەۆ داڭعىلىنا شىعاراتىن جولدى سالۋ سياقتى وتىنىشتەر ايتىلدى. ءا.سارسەمباەۆ بۇل ماسەلەلەر رەت-رەتىمەن شەشىلەتىنىن جەتكىزدى.
كەشە رايىمبەك باتىر اتىنداعى №50 «قازعارىش» مەكتەپ-ليتسەيىندە اۋدان اكىمى ادىلبەك سارسەمباەۆ تۇرعىندارمەن ەسەپتى كەزدەسۋىنىڭ سوڭعى كۇنىن قورىتىندىلادى. جيىنعا قالا اكىمىنىڭ ورىنباسارى قوسمان ايتمۇحامەتوۆ پەن پرەمەر-مينيستر كەڭسەسىنىڭ باس ينسپەكتورى اسقار عازاليەۆ قاتىستى.
بۇل كەزدەسۋدە تۇرعىندار تاراپىنان سونشالىقتى بەلسەندىلىك بايقالعان جوق. ماسەلەن, بەيىمبەت مايلين كوشەسىندەگى №29 ءۇيدىڭ تۇرعىنى: «ءبىزدىڭ اۋلامىزدا بالالار وينايتىن الاڭ جوق. وسى ماسەلەنى سەگىز جىلدان بەرى كوتەرىپ كەلەمىن. بۇل قاشان شەشىلەدى؟» دەپ سۇراق قويدى. وعان اۋدان باسشىسى بۇل ويىن الاڭى بيىل سالىناتىندىعىن ايتتى. كوشەدەگى تروتۋارلاردى مۇمكىندىگى شەكتەۋلى ادامدارعا لايىقتاپ جاساسا ەكەن دەگەن ءوتىنىش ايتقان تۇرعىنعا قوسمان ايتمۇحامەتوۆ بۇل ماسەلەنىڭ قاراستىرىلاتىندىعىن جەتكىزدى. جيىندا كەيبىر ازاماتتار اۋدان باسشىسىنا ريزاشىلىعىن ءبىلدىردى. تۇجىرىپ ايتقاندا, ءبىر اپتا بويى تۇرعىندارمەن كەزدەسكەن الماتى اۋدانىنىڭ اكىمى ادىلبەك سارسەمباەۆ ماسەلەنىڭ ءبارى اياقسىز قالمايتىندىعىن ايتتى.
امانعالي قالجانوۆ,
ازامات ەسەنجول
