ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى مەن باس قالانىڭ 20 جىلدىق مەرەيتويىنا ارنالعان «ءان مەن كۇي الديلەيدى استانانى» اتتى وڭتۇستىك قازاقستان (تۇركىستان) وبلىسىنىڭ ەلورداداعى مادەني كۇندەرى ءوتتى.
مادەني شارا اياسىندا «رۋحاني جاڭعىرۋ» باعدارلاماسىنىڭ وڭىردە جۇزەگە اسىرىلعان ءبىر جىلدىق قورىتىندى جۇمىستارىنىڭ كەشەندى كورمەسى ۇيىمداستىرىلدى. وعان 500-گە جۋىق جۇمىستار قويىلدى. جىلى ايماقتاعى دارىندى قولونەر جانە قىلقالام شەبەرلەرىنىڭ قولىنان شىققان دۇنيەلەر ەلوردالىقتاردى ءوزىنىڭ ەرەكشەلىكتەرىمەن ءتانتى ەتتى. تۇرعىندار شەجىرەلى ولكەنىڭ تاريحىمەن تانىستى. وبلىستىق تاريحي-ولكەتانۋ مۋزەيى قورىندا كوزدىڭ جاۋىنالار ۇلتتىق كيىمدەردى تاماشالادى. سونداي-اق, قىراعى فوتوتىلشىلەردىڭ نىساناسىنا ىلىنگەن تابيعاتى اسەم ءوڭىردىڭ كورىكتى جەرلەرى – قازىعۇرت, تۇركىستان, كەنتاۋ, وتىرار, قاراتاۋ, سارىاعاش, جەتىساي, سوزاق, بايدىبەك, تۇلكىباس, تولە بي, سايرام اۋداندارىنىڭ فوتوسۋرەتتەرى ۇسىنىلدى.
ايتا كەتەيىك, بۇگىنگە دەيىن وبلىس اۋماعىندا «ەل جۇرەگى – استانا» تاقىرىبىندا 760 شارا وتكىزىلگەن. وڭىردەگى 26 كوشەگە «استانا» اتاۋى بەرىلگەن. وڭتۇستىك قازاقستان وبلىسى باس قالاعا سىي رەتىندە جالپى قۇنى شامامەن 766, 2 ملن تەڭگە قۇرايتىن ەسىل وزەنى بويىندا ورتالىق ساياباق پەن مينيسترلىكتەر ءۇيى ارالىعىنا دەيىن سوزىلعان 5,173 شاقىرىم ۆەلوجول سالۋدا.
شارا سوڭىندا «اسقاقتاي بەر, استانا!» اتتى وڭتۇستىك قازاقستان وبلىسى ونەرپازدارىنىڭ گالا-كونتسەرتى ءوتتى. وندا قر حالىق ءارتىسى نۇرجامال ۇسەنباەۆا, قر ەڭبەك سىڭىرگەن ءارتىسى التىناي جوراباەۆا, مادەنيەت قايراتكەرلەرى ءۇرالحان سەيىلبەكوۆا, مارات ورازىمبەتوۆ جانە ت.ب. دارىندى ونەرپازدار ەلوردالىقتارعا اسەرلى كوڭىل كۇي سىيلادى.
زەرلەن ەركىنبەك,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى
