نۇر-سۇلتان قالاسىنىڭ اكىمى التاي كولگىنوۆ حالىق ساناعىنان ونلاين وتكەنىن ايتىپ, قالا تۇرعىندارىن دا ساناقتان وتۋگە شاقىردى.
«400 مىڭنان استام قالا تۇرعىنى, سونىڭ ىشىندە مەن دە وتباسىممەن ونلاين-حالىق ساناعىنان ءوتتىم. 1 قازاننان باستاپ ونلاين-ساناقتان وتپەگەندەر ءۇشىن ءداستۇرلى ۇزدىكسىز اينالىم باستالدى. بۇگىن حالىق ساناعىن وتكىزۋ بويىنشا اعىمداعى ماسەلەلەر تالقىلاندى. ساناق كەزىندە سۇحبات الۋشىلار پلانشەتتەردى پايدالانادى. الىنعان مالىمەتتەر تىكەلەي دەرەكقورعا جىبەرىلەدى. ساناق جۇرگىزەتىن قىزمەتكەرلەرگە جالاقى, كولىك كارتالارى, جەكە قورعانىس قۇرالدارى بەرىلدى. ساناق سانيتارلىق نورمالاردى ساقتاي وتىرىپ جۇرگىزىلەدى» دەدى قالا باسشىسى.
سوڭعى رەت ەلدە حالىق ساناعى 12 جىل بۇرىن جۇرگىزىلگەن. «بۇل ماڭىزدى شارا ساراپتامالىق دەرەكتەردى جيناقتاۋعا مۇمكىندىك بەرەدى: حالىقتىڭ ناقتى سانى (ىشكى كوشى-قوندى ەسكەرە وتىرىپ), ۋرباندالۋ دارەجەسى, سونداي-اق ءبىلىم بەرۋ, جۇمىسپەن قامتۋ جانە ت. ب. ماسەلەلەر بويىنشا شەشىمدەر قابىلداۋ ءۇشىن قاجەتتى باسقا دا مالىمەتتەر بار» دەپ ءتۇسىندىردى ا.كولگىنوۆ.
