«Elorda Aqparat» مەدياكومپانياسىنىڭ «مەكتەپ جانە مەدياساۋاتتىلىق» جوباسى اياسىنداعى كەزەكتى كەزدەسۋى دىنمۇحامەد قوناەۆ اتىنداعى №66 مەكتەپ-ليتسەيدە ءوتتى. 12 جىلدىق تاريحى بار ءبىلىم ورداسىندا 2593 وقۋشى قازاق تىلىندە ءبىلىم الۋدا. وقىتۋدىڭ نەگىزگى باعىتتارى فيزيكا-ماتەماتيكا, حيميا-بيولوگيا بولسا دا, وسىنداي گۋمانيتارلىق ءىس-شارالاردى وتكىزۋگە دە زور ءمان بەرىلەدى.
قالانىڭ قاق ورتاسىندا ورنالاسقان ءبىلىم وشاعىندا شاكىرتتەردىڭ جان-جاقتى ءبىلىم الۋىنا جاقسى جاعداي جاسالىپتى. اتاپ ايتقاندا, مۇندا كومپيۋتەر, لينگافون, مۋلتيمەديا-ينتەراكتيۆتى كابينەتتەر, زاماناۋي ۇلگىدەگى فيزيكا, حيميا, بيولوگيا كابينەتتەرى, 2 سپورت زال, فۋتبول, باسكەتبول الاڭدارى, حورەوگرافيا زالى وقۋشىلاردىڭ يگىلىگى ءۇشىن اشىلعان.
اتالعان مەدياكومپانيا قالا اكىمدىگى جانە استانا قالاسى ءبىلىم باسقارماسىمەن بىرگە ۇيىمداستىرىپ جاتقان جوبا شەڭبەرىندەگى كەزدەسۋدە جاستارعا مەدياساۋاتتىلىق تاقىرىبى جان-جاقتى ءتۇسىندىرىلدى. جۋرناليستەر توبىن باستاپ بارعان «Elorda Aqparat» مەدياكومپانياسىنىڭ ديرەكتورى ولجاس سىدىقبەك بۇگىنگىدەي وراسان زور قارقىنعا يە اقپاراتتىق داۋىردە جاقسى مەن جاماندى ايىرىپ, عالامتورداعى سان مىڭداعان اقپاراتتى وي ەلەگىنەن, سۇزگىدەن وتكىزۋ ءۇشىن مەدياساۋاتتى بولۋدىڭ ماڭىزدى ەكەنىن ءتۇسىندىردى. مەكتەپتەرمەن بايلانىس ورناتۋدى كوزدەيتىن بۇل كەزدەسۋلەر ارقىلى بولاشاق جۋرناليستەردى گازەت وقۋعا تارتۋ, ءتىپتى مەرزىمدى باسپاسوزگە ماقالا جازۋعا بەيىمدەۋ ەكەنىن دە جەتكىزدى.
سونىمەن قاتار كەزدەسۋگە كەلگەن «Aستانا اقشامى» گازەتىنىڭ ءتىلشىسى, تاجىريبەلى جۋرناليست تاڭاتار تولەۋعاليەۆ سان جىلدىق جۋرناليستىك قىزمەتىنەن سىر شەرتە وتىرىپ, جۋرناليستيكانىڭ بۇرىنى مەن بۇگىنگى احۋالىن سالىستىرا باياندادى. باسىلىمدا كوپ جىلدان بەرى ەڭبەك ەتەتىن ءتىلشى گۇلبارشىن وكەشقىزى حولدينگ مەكتەپ وقۋشىلارى ءۇشىن ۇيىمداستىرىپ جاتقان «ەل جۇرەگى – ەلوردا» اتتى شىعارماشىلىق بايقاۋىنا قاتىسۋعا شاقىردى. وعان 15 قازانعا دەيىن ەلورداداعى ءبىلىم وردالارىنىڭ 7-11-سىنىپ وقۋشىلارى ءوز شىعارماسىن ۇسىنا الادى. گازەتتىڭ جاس ءتىلشىسى ءارى جۋرناليستيكا سالاسىنداعى ستۋدەنت ينديرا بەرجانوۆا بولاشاق ءتىلشى بولامىن دەگەن جاستارعا وقۋعا قالاي تۇسۋگە, پورتفوليونى قالاۋ جيناۋعا بولاتىنى تۋرالى ءوز بىلگەنىمەن ءبولىستى. سونىمەن قاتار ءتىلشى رايحان راحمەتوۆا جۋرناليسكە قاجەت ءبىلىم مەن بىلىكتىلىك, وزگە دە ماشىقتار جايلى ويىن ورتاعا سالدى. ال قازىرگى زامان تالابىنا ساي ساپالى بەينەتۇسىرىلىم جاساپ, ونى الەۋمەتتىك جەلىدە ادەمىلەپ بەرۋدىڭ تاسىلدەرىن مەدياكومپانيا SMM-مامانى گۇلجان ۋاليەۆا وقۋشىلارعا ۇعىنىقتى ەتىپ ءتۇسىندىرىپ بەردى.
ەركىن فورماتتا وتكەن كەزدەسۋ بارىسىندا بولاشاعىن جۋرناليستيكامەن بايلانىستىرامىن دەگەن وقۋشىلار بولماسا دا, ولار وسى تاقىرىپتا وزدەرىن قىزىقتىراتىن سۇراقتارىن قويدى. البينا ەسىمدى 11-سىنىپ وقۋشىسى اقىندىققا جاقىندىعىن ايتىپ, ادەبيەتكە بەيىمدىگىن بايقاتتى. باستاپقىدا قىمسىنىپ وتىرعان جاس ورەندەر بىرتىندەپ اشىلىپ, بىرىنەن سوڭ ءبىرى سۇراعىن جاۋدىردى. ولاردىڭ «جازاتىن ويىمدى ادەمى جەتكىزۋ ءۇشىن نە ىستەۋگە بولادى؟», «قازاق ءتىلىنىڭ مارتەبەسىن قالاي كوتەرەمىز؟», «گازەتتىڭ وقىرماندارىن ساقتاپ قالۋ ءۇشىن قانداي جوبالار جۇزەگە اسىرىلادى؟», «تەلەجۋرناليستيكانى ەمەس, ءباسپاسوزدى تاڭداۋ ءۇشىن جاستاردى قالاي قىزىقتىرامىز؟», «قازىر جۋرناليستيكادا الەۋمەتتىك ماسەلەلەر كوپ تالقىلانبايدى, كوبىنە باق ۇكىمەتكە جۇمىس ىستەيدى دەپ ايتىلادى, وسى ويمەن كەلىسەسىزدەر مە؟» دەگەن سياقتى باسقا دا سۇراقتارىنا كەزدەسۋ قوناقتارى تولىق جاۋاپ بەردى.
